ՊԵԿ-ը Yerevan city–ին և այլ ընկերություններին ժամանակ է տվել օրինական դաշտ վերադառնալու համար
29.05.2018,
17:12
Խոսքը, մասնավորապես, հաճախորդներին ՀԴՄ կտրոններ տրամադրելու մասին է։
ԵՐԵՎԱՆ, 29 մայիսի. /ԱՌԿԱ/. ՀՀ Պետական եկամուտների կոմիտեի ղեկավար Դավիթ Անանյանը երեքշաբթի հայտարարեվ, որ բոլոր ընկերություններին` այդ թվում «Երևան Սիթի» սուպերմարկետների ցանցին, ժամանակ է տրվել` օրինական դաշտ վերադառնալու համար:
«Խոսքը, մասնավորապես, հաճախորդներին ՀԴՄ կտրոններ տրամադրելու մասին է», - հայտարարեց Անանյանը։
Նա նաև նշեց, որ նախօրեին հանդիպել է ցանցային առևտրով զբաղվող մի շարք անձանց հետ: Նա նրանց տեղեկացրել է, որ նրանք բոլորը պետք է առաջիկայում վերականգնեն ՀԴՄ կտրոնների տրամադրումը:
Հայկական ԶԼՄ-ներն ավելի վաղ հայտնել էին, որ խոշոր ցանցային սուպերմարկետները հաճախորդներին չեն տրամադրում ՀԴՄ կտրոններ:-0-