Հրթիռակոծվում են Ստեփանակերտն ու Շուշին, Արցախը զգուշացնում է, որ ՊԲ–ի պատասխանը չի ուշանա. ԱՀ նախագահի մամուլի խոսնակ
05.10.2020,
10:53
Հրթիռակոծվում են Ստեփանակերտն ու Շուշին, Արցախը զգուշացնում է, որ ՊԲ–ի պատասխանը չի ուշանա. ԱՀ նախագահի մամուլի խոսնակ
ԵՐԵՎԱՆ, 5 հոկտեմբերի./ԱՌԿԱ/. Թշնամին կրկին հրթիռակոծում է Ստեփանակերտ և Շուշի քաղաքները։
Այս մասին հայտնում է Արցախի նախագահի մամուլի քարտուղար Վահրամ Պողոսյանը։
«Պաշտպանության բանակի պատասխանը չի ուշանա։ Սակայն ի տարբերություն Բաքվի ահաբեկչական իշխանության, մենք թիրախավորում ենք ոչ թե քաղաքացիական բնակչությանը, այլ խոշոր քաղաքներում մշտական տեղակայում ունեցող ռազմական օբյեկտները։ Այդ քաղաքներում ապրող խաղաղ բնակչությանը կրկին կոչ ենք անում անհապաղ լքել իրենց բնակավայրերը, որպեսզի խուսափեն հնարավոր զոհերից», – գրել է նա։–0–