Ժամը 14:00-ի դրությամբ իրադրությունը ՀՀ սահմաններին հարաբերականորեն կայուն է. ՊՆ

ԵՐԵՎԱՆ, 19 սեպտեմբերի./ԱՌԿԱ/. Ժամը 14:00-ի դրությամբ իրադրությունը ՀՀ սահմաններին հարաբերականորեն կայուն է, հայտնում է ՀՀ պաշտպանության նախարարությունը։

Նշենք, որ Ադրբեջանը զանգվածային հրետակոծություն է սկսել Արցախի ողջ երկայնքով։ Արցախի նախկին պետնախարար Ռուբեն Վարդանյանը հայտնել է, որ հրետակոծվում է նաև Ստեփանակերտը, հնչում են տագնապի ազդանշաններ։

Ադրբեջանի պաշտպանության նախարարությունը հայտնել է, որ տարածաշրջանում իբր սկսվել են «տեղական հակաահաբեկչական միջոցառումներ»՝ Ադրբեջանի Հանրապետության սահմանադրական կարգն ապահովելու և վերականգնելու նպատակով։ Ձեռնարկված միջոցառումների մասին տեղեկացվել են ռուսական խաղաղապահ զորակազմի հրամանատարությունը և թուրք-ռուսական միացյալ մոնիտորինգի կենտրոնի ղեկավարությունը։ -0-