Երևանում ընդդիմությունը բողոքի զանգվածային ակցիա է կազմակերպել, Վազգեն Մանուկյանը նշեց ընդդիմության Ա և Բ պլանները (ՎԻԴԵՈ)
ԵՐԵՎԱՆ, 20 փետրվարի./ԱՌԿԱ/. «Հայրենիքի փրկության շարժման» կողմից առաջադրված վարչապետի միասնական թեկնածու Վազգեն Մանուկյանն այսօր ընդդիմության հանրահավաքի ժամանակ առաջարկեց գործող իշխանություններից Հայաստանն «ազատագրելու» Ա և Բ պլաններ։
Անդրադառնալով առաջին պլանին` Մանուկյանը հայտարարեց, որ ընդդիմությունն ինչ ցույցեր և որքան էլ մարդ միանա գործող վարչապետ Նիկոլ Փաշինյանն ինքնուրույն չի հեռանա պաշտոնից։ Այդ պատճառով, նրա խոսքով, հարկավոր է կոտրել հենարանները, որոնց հենվում է Փաշինյանը։
«չի գիտակցում, թե երկիրն ուր է գնում: Սպասում է դժբախտությունը գա, չոքի իր տան դիմաց: Մինչեւ չչոքի, չի հասկան: Մեր պարտքն է նրանց հայտարարել, թե ինչ է կատարվում, ինչ է լինելու», – նշեց նա։
Որպես երկրորդ հիմք Մանուկյանը նշեց ուժային կառույցները (ոստիկանությունը, ԱԱԾ–ն)։
«Նրանք երբեմն իրենց շահից ելնելով իրենց համոզում են, որ իրենք իրենց պարտքն են կատարում՝ առանց գիտակցելու, որ ծառայելվ այս իշխանությանը, ծառայում են թուրքական ծրագրին: Մենք պետք է կոշտ լինենք իրենց հետ, համոզենք, եւ միշտ թողնենք նահանջի ճանապարհ: Համոզված եղեք, որ եթե հսկայական ժողովուրդ երկար ժամանակ կանգնի քաղաքում, իրենք կմիանան ժողովրդին», – ասաց Մանուկյանը։
Նա նշեց, որ Փաշինյանի երրորդ հենարանները պատգամավորներն են, նրանց հետ պետք է կոշտ լինել, համոզիչ և միշտ թողնել նահանջի ճանապարհ։
Մանուկյանը հայտարարեց, որ Հայաստանում ամեն օր պետք է անցկացվեն հանրահավաքներ, գործադուլներ և ավտոերթեր։
«Բայց կա նաև պլան Բ–ն, ցանկացած պահի, դա կլինի այսօր, կարող է լինել մեկ շաբաթից, 10 օրից, պետք է պատրաստ լինել կայծակնային արագությամբ ապստամբելով վերցնել իշխանությունը: Մենք գնալու ենք Ա ճանապարհով՝ միշտ պատրաստ լինելով Բ ճանապարհին», – հայտարարեց նա։–0–
