Հայաստանում սպասվում է կարճատև անձրև. ջերմաստիճանը կրկին կբարձրանա

ԵՐԵՎԱՆ, 24 օգոստոսի. /ԱՌԿԱ/. Հանրապետության տարածքում կանխատեսվում է կարճատև անձրև ու ամպրոպ, հաղորդում է Հայպետհիդրոմետը։

Մասնավորապես, օգոստոսի 24-25-ը և 27-28-ը սպասվում է առանց տեղումների եղանակ:

Օգոստոսի 26-ի երեկոյան ժամերին առավելապես հյուսիսային շրջաններում սպասում է կարճատև անձրև և ամպրոպ:

Քամին կլինի հարավային՝ 2-7 մ/վ արագությամբ:

Օդի ջերմաստիճանը օգոստոսի 26-27-ը կբարձրանա 2-3 աստիճանով:

Մայրաքաղաք  Երևանում օգոստոսի 24-25-ը և 27-28-ը սպասվում է առանց տեղումների եղանակ: Օգոստոսի 26-ի երեկոյան ժամերին սպասվում է ամպրոպ, առանձին հատվածներում կա կարճատև անձրևի հավանականություն:–0–