«Շահնազարյան» գինու–կոնյակի տունը նախատեսում է 2013 թ.–ին կոնյակի արտադրության ծավալը հասցնել 1,2 մլն շշի

ԵՐԵՎԱՆ, 22 հոկտեմբերի. /ԱՌԿԱ/. «Շահնազարյան» գինու–կոնյակի տունը նախատեսում է 2013 թ.–ին արտադրությունը հասցնել 1,2 մլն շշի, ասել է ընկերության գլխավոր տնօրեն Սամվել Շահնազարյանը երեքշաբթի ՀՀ նախագահ Սերժ Սարգսյանի` գործարան կատարած աշխատանքային այցի շրջանակներում։

«2012 թ.–ին կոնյակի արտադրության ծավալը կազմել է ավելի քան 750 հազար շիշ», – նշել է նա։

Նախորդ տարվա ընթացքում ընկերությունն արտադրել է 3,82 մլրդ դրամի արտադրանք, միաժամանակ արտահանման ծավալը կազմել է 3,79 մլրդ դրամ։ 2013 թ.–ի առաջին եռամսյակում ընկերությունն արտահանել է 4,67 մլրդ դրամի արտադրանք, ինչը գերազանցում է նախորդ տարվա ցուցանիշը։

Շահնազարյանը նաև նշել է, որ 2012 թվականին ընկերությունը մթերել է ավելի քան 11 հազար տոննա խաղող` մեկ կիլոգրամի դիմաց 140 դրամով։
Նա նաև հայտնել է, որ արտադրանքի մեծ մասն արտահանվում է Ռուսաստան։ «Այս տարրի մենք նաև առաջին ոչ մեծ խմբաքանակն ենք ուղարկել Ղազախստան»,– ասաց նա` ընդգծելով, որ այդ համատեքստում ակնհայտ են Մաքսային միությանը Հայաստանի միացման առավելությունները, քանի որ ՄՄ երկրները հայկական ապրանքների իրացման հիմնական շուկան են։

Հայաստանի նախագահ Սերժ Սարգսյանը երեքշաբթի անվանական տակառով կոնյակ է նվեր ստացել հանրապետության Կոտայքի մարզի Եղվարդ քաղաքի «Շահնազարյան» Գինու–կոնյակի տուն կատարած այցի ժամանակ։

2009 թվականին հիմնված ««Շահնազարյան» գինու–կոնյակի տուն» ՍՊԸ–ն արտադրում է «Շահնազարյան», «Pearl of Armenia» 3-7 տարի հնեցման կոնյակներ, ինչպես նաև կոնյակի սպիրտ։ Կոնյակի արտադրությունում օգտագործվում է միայն տեղական հումք։

Այժմ ընկերության կողմից իրականացվում են թորման արտադրամասի ստեղծման աշխատանքներ, ինչի համար կներդրվի 156.4 մլն դրամ (385.1 հազար դոլար)։

«Շահնազարյան» ՍՊԸ–ն այս տարի ներդրումային ծրագրի շրջանակներում ծրագրում է նաև սկսել հնեցման արտադրամասի վերազինման աշխատանքներ, ինչի համար կպահանջվի մոտ 400 մլն դրամ (մոտ 985 հազար դոլար);

Ինչպես նշվում է ՀՀ կառավարության կայքում, «Շահնազարյան» ԲԲԸ–ն 2012 թ.–ին ՀՀ պետբյուջե է վճարել մոտ 92 մլն դրամի հարկ, իսկ 2013 թ.–ի առաջին եռամսյակի տվյալներով` 65,63 մլն դրամի հարկ։ ($1 - 406,11 դրամ): -0-
ԵՐԵՎԱՆ, 22 հոկտեմբերի. /ԱՌԿԱ/. «Շահնազարյան» գինու–կոնյակի տունը նախատեսում է 2013 թ.–ին արտադրությունը հասցնել 1,2 մլն շշի, ասել է ընկերության գլխավոր տնօրեն Սամվել Շահնազարյանը երեքշաբթի ՀՀ նախագահ Սերժ Սարգսյանի` գործարան կատարած աշխատանքային այցի շրջանակներում։

«2012 թ.–ին կոնյակի արտադրության ծավալը կազմել է ավելի քան 750 հազար շիշ», – նշել է նա։

Նախորդ տարվա ընթացքում ընկերությունն արտադրել է 3,82 մլրդ դրամի արտադրանք, միաժամանակ արտահանման ծավալը կազմել է 3,79 մլրդ դրամ։ 2013 թ.–ի առաջին եռամսյակում ընկերությունն արտահանել է 4,67 մլրդ դրամի արտադրանք, ինչը գերազանցում է նախորդ տարվա ցուցանիշը։

Շահնազարյանը նաև նշել է, որ 2012 թվականին ընկերությունը մթերել է ավելի քան 11 հազար տոննա խաղող` մեկ կիլոգրամի դիմաց 140 դրամով։
Նա նաև հայտնել է, որ արտադրանքի մեծ մասն արտահանվում է Ռուսաստան։ «Այս տարրի մենք նաև առաջին ոչ մեծ խմբաքանակն ենք ուղարկել Ղազախստան»,– ասաց նա` ընդգծելով, որ այդ համատեքստում ակնհայտ են Մաքսային միությանը Հայաստանի միացման առավելությունները, քանի որ ՄՄ երկրները հայկական ապրանքների իրացման հիմնական շուկան են։

Հայաստանի նախագահ Սերժ Սարգսյանը երեքշաբթի անվանական տակառով կոնյակ է նվեր ստացել հանրապետության Կոտայքի մարզի Եղվարդ քաղաքի «Շահնազարյան» Գինու–կոնյակի տուն կատարած այցի ժամանակ։

2009 թվականին հիմնված ««Շահնազարյան» գինու–կոնյակի տուն» ՍՊԸ–ն արտադրում է «Շահնազարյան», «Pearl of Armenia» 3-7 տարի հնեցման կոնյակներ, ինչպես նաև կոնյակի սպիրտ։ Կոնյակի արտադրությունում օգտագործվում է միայն տեղական հումք։

Այժմ ընկերության կողմից իրականացվում են թորման արտադրամասի ստեղծման աշխատանքներ, ինչի համար կներդրվի 156.4 մլն դրամ (385.1 հազար դոլար)։

«Շահնազարյան» ՍՊԸ–ն այս տարի ներդրումային ծրագրի շրջանակներում ծրագրում է նաև սկսել հնեցման արտադրամասի վերազինման աշխատանքներ, ինչի համար կպահանջվի մոտ 400 մլն դրամ (մոտ 985 հազար դոլար);

Ինչպես նշվում է ՀՀ կառավարության կայքում, «Շահնազարյան» ԲԲԸ–ն 2012 թ.–ին ՀՀ պետբյուջե է վճարել մոտ 92 մլն դրամի հարկ, իսկ 2013 թ.–ի առաջին եռամսյակի տվյալներով` 65,63 մլն դրամի հարկ։ ($1 - 406,11 դրամ): -0-