Հայաստանի տնտ. սուբյեկտները կարող են անվճար էլեկտրոնային ստորագրություն ստանալ մինչև նոյեմբերի 30-ը. Պետեկամուտների կոմիտե
ԵՐԵՎԱՆ, 25 հոկտեմբերի. /ԱՌԿԱ/. Հայաստանի կառավարությունը հինգշաբթի նիստի ժամանակ ընդունեց որոշում, որի համաձայն՝ նույնականացման քարտեր ստացած աշխատակիցները պետք է դիմեն Պետեկամուտների կոմիտե PIN կոդ ստանալու համար:
Դրանից հետո Կոմիտեն նրանց տվյալները կփոխանցի համապատասխան կառույցին՝ օգտագործելու համար:
«Այդ գործընթացը խթանելու համար որոշում է ընդունվել անվճար էլեկտրոնային ստորագրություն տրամադրել այն անձանց, ովքեր PIN կոդ ստանալու համար պետական կառույցին կդիմեն մինչև նոյեմբերի 30-ը: Բացի այդ, կառավարությունը պետբյուջեի միջոցների հաշվին կփոխհատուցի նրանց պետտուրքը՝ 3 հազար դրամի չափով», - պարզաբանեց Պետական եկամուտների կոմիտեի փոխնախագահ Արմեն Ալավերդյանը կառավարությունում տեղի ունեցած ճեպազրույցի ժամանակ:
Նրա խոսքերով՝ Հայաստանում 2013թ. հունվարի 1-ից միասնական եկամտահարկի ներդրման կապակցությամբ, որը կփոխարինի ներկայումս գործող եկամտահարկը և սոցապահովության վճարները, տնտեսվարող սուբյեկտները պետք է իրենց հաշվետվությունները Կոմիտե ներկայացնեն բացառապես էլեկտրոնային տարբերակով:
Ալավերդյանը հայտնեց, որ այսօրվա դրությամբ Հայաստանում արդեն մոտ 10 հազար տնտեսվարող սուբյեկտներ իրենց հաշվետվությունները Կոմիտե են ներկայացնում էլեկտրոնային տարբերակով: --0--
