«Պոբեդա» ավիաընկերությունը Հայաստանից թռիչքներ կիրականացի դեպի Մոսկվա. ավիատոմսերը կարժենան սկսած 10 հազար դրամից
26.10.2016,
12:33
«Պոբեդա» ավիաընկերությունը սկսում է թռիչքներ իրականացնել Գյումրու «Շիրակ» օդանավակայանից դեպի Մոսկվա:
ԵՐԵՎԱՆ, 26 հոկտեմբերի. /ԱՌԿԱ/. «Պոբեդա» ավիաընկերությունը սկսում է թռիչքներ իրականացնել Գյումրու «Շիրակ» օդանավակայանից դեպի Մոսկվա:
Ինչպես հաղորդում է Քաղաքացիական ավիացիայի գլխավոր վարչության մամուլի քարտուղարությունը, ռուսական «Պոբեդա» ավիաընկերության հետ պայմանավորվածություն է ձեռք բերվել 2016 թվականի նոյեմբեր ամսվա վերջից շաբաթական 3 անգամ Գյումրու «Շիրակ» օդանավակայանից դեպի Մոսկվայի «Վնուկովո» օդանավակայան, ինչպես նաև, հետադարձ ուղղությամբ թռիչքներ իրականացնել:
«Ավիաընկերության ավիատոմսերի սակագները լինելու են սկսած 10 հազար դրամից: Թռիչքները կատարվելու են ցերեկային ժամերին», - նշվում է հաղորդագրության մեջ: –0–
