ԵԱԶԲ-ն 2024 թ Հայաստանի ՀՆԱ-ի աճի կանխատեսումն իջեցրել է մինչև 6%, բայց 2025 թ բարելավել մինչև 5,5%

ԵՐԵՎԱՆ, 5 դեկտեմբերի․/ԱՌԿԱ/. Եվրասիական զարգացման բանկը (ԵԱԶԲ) 2024 թվականին Հայաստանի ՀՆԱ-ի աճի կանխատեսումը 7,5%-ից իջեցրել է 6%-ի, միաժամանակ 2025թ.-ի կանխատեսումը 4,2%-ից հասցնելով 5,5%-ի։ Բացի այդ, 2026 թվականին ԵԱԶԲ-ն ակնկալում է Հայաստանի տնտեսության 5,3 տոկոս աճ, իսկ 2027 թվականին՝ 5, տոկոս։

«Կանխատեսումը իջեցվել է՝ հաշվի առնելով 2024 թվականի առաջին եռամսյակի ՀՆԱ-ի տվյալների վերանայումն ու թանկարժեք մետաղների վերամշակման և արտահանման ոլորտի ներդրումը հավելյալ արժեքի ձևավորման գործում»,- ասված է բանկի 2025-2027 թվականների մակրոտնտեսական կանխատեսման մեջ։

Նշվում է, որ 2024 թվականի ընթացքում տնտեսական աճը դանդաղել է, սակայն մնացել է ուժեղ։ Հունվար-հոկտեմբեր ամիսներին տնտեսական ակտիվության ցուցանիշը տարեկան կտրվածքով աճել է 8.1%-ով (հոկտեմբերին՝ 4.2%): Տնտեսական աճին այս տարվա տասը ամիսների ընթացքում հիմնական ներդրումն ունեցել են առևտրի (18,8%), ծառայությունների (5,8%) և արդյունաբերության (11,7%) ոլորտները։

Դրա հետ մեկտեղ, ամփոփագրի համաձայն, երկրորդ եռամսյակի վերջից արդյունաբերական դինամիկան թուլանում է՝ պայմանավորված արդյունաբերական ճյուղերի աճի տեմպերով։ Եթե ​​առաջին եռամսյակի վերջում նրանք ապահովում էին տնտեսական ակտիվության գրեթե 40%-ը, ապա հունիսից հոկտեմբեր ընկած ժամանակահատվածում ներդրումը փոքր էր (միջինում 0,8 կամ 11% տնտեսական ակտիվություն):

ԵԱԶԲ-ի գնահատմամբ՝ արդյունաբերության տեմպերի դանդաղումը մեծապես փոխհատուցվել է ամառային ամիսներին և չորրորդ եռամսյակի սկզբին ծառայությունների ոլորտում արձանագրված արագությամբ: Ընդ որում, վերամշակող արյունաբերության աճը (սեպտեմբերին 6,5%-ով՝ օգոստոսի 3,8%-ից հետո), հիմնականում պայմանավորված է եղել հիմնական մետաղների (ներառյալ ոսկի) արտադրությամբ, որը հունվար-սեպտեմբերին տարեկան կտրվածքով աճել է 3,3 անգամ (2,2 անգամ սեպտեմբերին): Ծառայությունների ոլորտի աճի արագացումը պայմանավորված է եղել ֆինանսական գործունեությամբ(սեպտեմբերին՝ 7,4%), ժամանցի և հանգստի (սեպտեմբերին՝ 29,8%) ու կացարանների և սննդի ծառայությունների ոլորտներով (սեպտեմբերին՝ 14,7%): Շինարարության կայուն բարձր աճի տեմպերը (15,9% հունվար-հոկտեմբեր) ապահովվել է հիփոթեքային վարկավորման միջոցով (հոկտեմբերին՝ 28,5%):

Ընդ որում, ինչպես նշում են ԵԱԶԲ-ում, ներքին պահանջարկն ակտիվորեն ընդլայնվում է բնակչության վարկավորման կայուն աճի (հոկտեմբերին՝ 22,9%) և 2024 թվականի չորրորդ եռամսյակում պետական ​​պլանավորված ծախսերի կատարման արդյունքում։

Հունվար-սեպտեմբեր ամիսների արդյունքներով՝ տնային տնտեսությունների սպառման աճը կազմել է տարեկան 7,4%, իսկ հիմնական կապիտալում ներդրումներն աճել են տարեկան 13,6%-ով` նույն ժամանակահատվածում հանդիսանալով տնտեսության հիմնական շարժիչ ուժը (ՀՆԱ-ի աճը կազմել է 6,0%)։