ՌԴ ՀՆԱ–ն 2014 թ.–ին կգրանցի աճ, գնաճը կգերազանցի 9%-ը, կարծում է Մեդվեդևը

ԵՐԵՎԱՆ, 10 դեկտեմբերի./ԱՌԿԱ/. ՌԴ վարչապետ Դմիտրի Մեդվեդևը 2014 թ.–ի արդյունքում Ռուսաստանի ՀՆԱ–ի 0,5 տոկոսանոց աճ է ակնկալում, հաղորդում է Փրայմը։ Գնաճը կգերազանցի 9 տոկոսը, տեղեկացրել է Մեդվեդևը հինգ հեռուստաալիքներին տված հարցազրույցում։ Մեդվեդևը չի բացառում, որ 2015 թ.–ի բյուջեում ուղղումներ կկատարվեն։ Ավելի վաղ ՌԴ տնտեսական զարգացման նախարարությունից չէին բացառել, որ 2014 թ.–ին ռուսական տնտեսությանը կհաջողվի խուսափել ռեցեսիայից։ 2015 թ.–ի կանխատեսումը ՀՆԱ–ի 0,8 տոկոսանոց անկում է նախատեսում։ Գնաճը Ռուսաստանում 2014 թ.–ի արդյունքում չի գերազանցի 10 տոկոսը, ավելի վաղ նշել էր ՌԴ տնտեսական զարգացման նախարար Ալեքսեյ Ուլյուկաևը։–0–

Ծանոթացեք լուրերին առաջինն ու քննարկեք դրանք մեր Telegram-ում

14:46 10.12.2014