Քենիացի 105-ամյա կախարդը կանխագուշակել է Օբամայի հաղթանակը

ԵՐԵՎԱՆ, 6 նոյեմբերի. /ԱՌԿԱ/.  Հայրենի Քենիայիում բնակվող գուշակի կանխատեսման համաձայն, ԱՄՆ նախագահ Բարաք Օբաման վերընտրվելու է, հաղորդում է «Ինտերֆաքսը»՝ հղում անելով Ասոշիէյթիդ պրեսին:

Նման եզրակացության է եկել Կոհելո գյուղում բնակվող Ջոն Դիմոն` խեցիների և կենդանիների ոսկորների միջոցով կատարած գուշակությունից հետո: Նա այդ առարկաները նետել է գետնին, ուսումնասիրել է այն վայրերը, որտեղ դրանք ընկել են: Ի վերջո Դիմոն, ով պնդում է, որ ինքը 105 տարեկան է, մատնանշել է սպիտակ խեցին և ասել. «Օբաման առաջ է անցել և հստակ է, որ կհաղթի»:

ԱՄՆ-ի նախագահական ընտրությունները կանցկացվեն նոյեմբերի 6-ին: Պետության ղեկավարի պաշտոնին հավակնում է դեմոկրատ Բարաք Օբաման և հանրապետական Միթ Ռոմնին: -0-