ՀՀ ԱԳՆ ղեկավարը կայցելի Գերմանիա և Հունաստան
ԵՐԵՎԱՆ, 13 մարտի. /ԱՌԿԱ/. Մարտի 13-14-ը ՀՀ արտգործնախարար Էդվարդ Նալբանդյանը, Գերմանիայի ԱԳ նախարար Գիդո Վեստերվելեի հրավերով, աշխատանքային այց կկատարի Բեռլին, հաղորդում է ԱԳՆ մամուլի ծառայությունը։
Այցի շրջանակներում Նալբանդյանը հանդիպումներ կունենա երկրի օրենսդիր և գործադիր իշխանության բարձրաստիճան պաշտոնյաների հետ:
Մարտի 15-ին Հունաստանի ԱԳ նախարար Դիմիտրիս Ավրամոպուլոսի հրավերով պաշտոնական այցելությամբ նախարար Նալբանդյանը կայցելի Աթենք, ուր հանդիպումներ կունենա երկրի բարձրագույն ղեկավարության հետ: –0–
Ծանոթացեք լուրերին առաջինն ու քննարկեք դրանք մեր Telegram-ում
10:50 13.03.2013
