Ռոբերտ Քոչարյանը կմասնակցի ՀՀ նախագահ Սերժ Սարգսյանի երդմնակալության արարողությանը
ԵՐԵՎԱՆ, 8 ապրիլի. /ԱՌԿԱ/. ՀՀ երկրորդ նախագահ Ռոբերտ Քոչարյանը կմասնակցի նախագահ Սերժ Սարգսյանի երդմնակալության արարողությանը, որը տեղի կունենա ապրիլի 9–ին Երևանի Կարեն Դեմիրճյանի անվան մարզահամերգային համալիրում, հաղորդում է «Նովոստի–Արմենիա» գործակալությունը։
«Նա կմասնակցի վաղվա արարողությանը»,– տեղեկացրեց նախկին նախագահի գրասենյակի ղեկավար Վիկտոր Սողոմոնյանը։
Փետրվարի 18–ին կայացած նախագահական ընտրություններին պետության գործող ղեկավար Սերժ Սարգսյանը հաղթեց առաջին փուլում` հավաքելով ընտրողների ձայների 58,64%։–0–
Ծանոթացեք լուրերին առաջինն ու քննարկեք դրանք մեր Telegram-ում
12:57 08.04.2013
