ՍԴ նախագահը քվեարկեց ՀՀ նախագահի ընտրությունների ժամանակ

ԵՐԵՎԱՆ, 18 փետրվարի. /ԱՌԿԱ/. ՀՀ Սահմանադրական դատարանի նախագահ Գագիկ Հարությունյանը քվեարկեց նախագահական ընտրությունների ժամանակ մայրաքաղաքի 9/20 ընտրատեղամասում։

Նախագահական ընտրություններն անցնում են երկուշաբթի Հայաստանի 1988 ընտրատեղամասում։

Ըստ Հարությունյանի` ընտրություններին մասնակցությունը երկրի յուրաքանչյուր քաղաքացու համար պետք է քաղաքացիական պարտք դառնա։

«Մարդը պետք է հասկանա, որ նա իշխանության կրողն ու աղբյուրն է, և նա պետք է ճիշտ տնօրինի իր իրավունքը, որպեսզի նրա ցանկությունները կատարվեն»,– ասաց նա։

Ըստ Հարությունյանի` ընտրություններին քվեարկությունը ոչ միայն իրավունք, այլ նաև պատասխանատվություն է գալիք սերնդի առաջ։

Հարությունյանը նշեց նաև, որ հանրապետությունում քվեարկության  գործընթացն ընթանում է առավոտից տոնական մթնոլորտում, և դա նորմալ ու օրինաչափ է անվանել։

Ընտրություններին մասնակցում են պետության գործող նախագահ Սերժ Սարգսյանը, նախկին վարչապետ, «Ազատություն» կուսակցության առաջնորդ Հրանտ Բագրատյանը, ՀՀ ԱԳՆ նախկին ղեկավար, «Ժառանգություն» կուսակցության նախագահ Րաֆֆի Հովհաննիսյանը, խորհրդային շրջանում հայտնի այլախոհ, «Ազգային ինքնորոշման միավորում» կուսակցության ղեկավար Պարույր Հայրիկյանը, Ղարաբաղի ԱԳՆ նախկին ղեկավար Արման Մելիքյանը, քաղաքագետ Անդրիաս Ղուկասյանը, էպոսագետ Վարդան Սեդրակյանը։ –0–