Վրաստանի արտաքին գործերի նախարարը կայցելի Հայաստան
ԵՐԵՎԱՆ, 11 ապրիլի. /ԱՌԿԱ/. Վրաստանի արտաքին գործերի նախարար Մայա Փանջիկիձեն ՀՀ ԱԳ նախարարի պաշտոնակատար Էդվարդ Նալբանդյանի հրավերով ապրիլի 11-12-ը պաշտոնական այցով կայցելի Հայաստան, հայտնում է հայկական արտաքին քաղաքական գերատեսչության մամուլի ծառայությունը։
Այցի ընթացքում Վրաստանի արտգործնախարարին կընդունեն Նախագահ Սերժ Սարգսյանը, ԱԺ նախագահի պաշտոնակատար Հովիկ Աբրահամյանը և վարչապետի պաշտոնակատար Տիգրան Սարգսյանը: Տեղի կունենան Հայաստանի արտգործնախարարի պաշտոնակատարի և Վրաստանի ԱԳ նախարարի բանակցությունները:
Մայա Փանջիկիձեն կայցելի նաև Ծիծեռնակաբերդ, ուր ծաղկեպսակ կդնի Հայոց Ցեղասպանության զոհերի հիշատակին: -0-
Ծանոթացեք լուրերին առաջինն ու քննարկեք դրանք մեր Telegram-ում
19:14 11.04.2013
