Վրաստանի վարչապետը հինգշաբթի կժամանի Հայաստան
ԵՐԵՎԱՆ, 16 հունվարի. /ԱՌԿԱ/. Վրաստանի վարչապետ Բիձինա Իվանիշվիլիի գլխավորած պատվիրակությունը հունվարի 17-ին կժամանի Հայաստան, հաղորդում է հայկական կառավարության մամուլի ծառայությունը։
Երևանում նախատեսված են Վրաստանի վարչապետի հանդիպումները ՀՀ նախագահ Սերժ Սարգսյանի, ՀՀ վարչապետ Տիգրան Սարգսյանի, Ամենայն Հայոց Գարեգին Բ կաթողիկոսի, ինչպես նաև ՀՀ արտաքին գործերի, Էներգետիկայի և բնական պաշարների և Էկոնոմիկայի նախարարների հետ։
Բիձինա Իվանիշվիլին կայցելի Ծիծեռնակաբերդ՝ հարգանքի տուրք մատուցելու Հայոց ցեղասպանության զոհերի հիշատակին, կլինի նաև Մատենադարանում:
Հինգշաբթի նախատեսված է նաև երկու երկրների կառավարության ղեկավարների ասուլիսը։ –0–
Ծանոթացեք լուրերին առաջինն ու քննարկեք դրանք մեր Telegram-ում
14:13 16.01.2013
