Արցախի հարավային ուղղությամբ ծանր մարտեր են եղել, ՊԲ–ն փայլուն է կատարում իր առջև դրված մարտական խնդիրը. ԱՀ նախագահ

ԵՐԵՎԱՆ, 17 հոկտեմբերի./ԱՌԿԱ/. Արցախի նախագահ Արայիկ Հարությունյանը հայտնել է, որ այսօր պաշտպանական բնագծի գրեթե ողջ երկայնքով ռազմական գործողությունները ինտենսիվ կերպով շարունակվել են:

«Հատկապես ծանր է եղել հարավային ուղղությամբ: Պաշտպանության բանակը փայլուն է իրականացնում իր առջև դրված մարտական խնդիրը՝ թշնամուն հասցնելով կենդանի ուժի և զինտեխնիկայի զգալի կորուստներ», – նշել է նա Facebook–յան իր էջում:–0–