Նիկոլ Փաշինյանը վաղն Արցախում կմասնակցի ԱԱԽ նիստին
11.03.2019,
14:46
ՀՀ վարչապետը վաղն Արցախում կմասնակցի ԱԱԽ նիստին։
ԵՐԵՎԱՆ, 11 մարտի./ԱՌԿԱ/. ՀՀ վարչապետ Նիկոլ Փաշինյանը վաղն Արցախում կմասնակցի Անվտանգության խորհրդի նիստին։
Այս մասին «Նովոստի–Արմենիա» գործակալությանը տեղեկացրեց ՀՀ վարչապետի մամուլի խոսնակ Վլադիմիր Կարապետյանը։
«Նիստին մասնակցելու հրավերը ստացվել է 5–6 օր առաջ», – ասաց Կարապետյանը։
Նշենք նաև, որ ՀՀ վարչապետն արդեն ժամանել է Արցախ, որտեղ նրան դիմավորել է Արցախի նախագահ Բակո Սահակյանը։–0–
