Փաշինյան–Ալիև հանդիպումը շարունակվում է ընդլայնված կազմով
29.03.2019,
17:06
Այս րոպեներին Վիեննայում ընթացող ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը շարունակվում է ընդլայնված կազմով։
ԵՐԵՎԱՆ, 29 մարտի./ԱՌԿԱ/. Այս րոպեներին Վիեննայում ընթացող ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը շարունակվում է ընդլայնված կազմով։
«Հանդիպումը շարունակվում է ԱԳ նախարարների և ԵԱՀԿ Մինսկի խմբի համանախագահների մասնակցությամբ», – տեղեկացրել է ՀՀ վարչապետի մամուլի քարտուղար Վլադիմիր Կարապետյանը։
Երկու երկրների ղեկավարների` ղարաբաղյան հակամարտության կարգավորման շուրջ բանակցությունները մեկնարկել են ընդլայնված կազմով, ավելի ուշ կայացավ Փաշինյան–Ալիև առանձնազրույցը, որը տևեց շուրջ 2 ժամ։
Դրանից առաջ Փաշինյանն ու Ալիևը հանդիպել են Սանկտ Պետերբուրգում և Դավոսում։–0–