Հայաստանն ու ԵՄ–ն վիզային ռեժիմի դյուրացման համաձայնագիր են ստորագրել

ԵՐԵՎԱՆ, 17 դեկտեմբերի. /ԱՌԿԱ/. Հայաստանի ու Եվրամիության ներկայացուցիչները երկուշաբթի Բելգիայի մայրաքաղաք Բրյուսելում համաձայնագիր են ստորագրել վիզային ռեժիմի պարզեցման մասին, տեղեկացնում են ԵՄ խորհրդի մամուլի ծառայությունից։

Փաստաթուղթը, որի տակ ստորագրել է ՀՀ արտգործնախարար Էդվարդ Նալբանդյանը, Շենգենյան գոտու երկրների մուտքի արտոնագիր ստանալու գործընթացի դյուրացում է ենթադրում դպրոցականների, ուսանողների, գիտնականների, լրագրողների, ձեռնարկատերերի և հաշմանդամների համար։

Փաստաթղթի` ուժի մեջ մտնելուց հետո, որը դեռ պետք է հավանություն ստանա Եվրախորհրդարանի կողմից, նախաստեսվում է, որ արտոնագրի գինը կնվազի և կկազմի 35 եվրո, իսկ քաղաքացիների որոշակի խմբի համար, մասնավորապես` մինչև 12 տարեկան երեխաների և թոշակառուների համար, այն անվճար կլինի, տեղեկացնում է «Նովոստի–Արմենիա» գործակալությունը` հղում անելով ՌԻԱ Նովոստիին։--0-