Հայերենը կներառվի Լոս Անջելեսի ընտրությունների պաշտոնական լեզուների ցուցակում
ԵՐԵՎԱՆ, 3 օգոստոսի. /ԱՌԿԱ/. Լոս Անջելեսի քաղաքային խորհուրդը որոշում է կայացրել փուլային մոտեցում մշակել, որը նախատեսում է քաղաքային ընտրությունների ժամանակ որպես պաշտոնական լեզուներ ներառել հայերեն, ռուսերեն և պարսկերեն լեզուները, հաղորդում է Contra Costa Times–ը։
«Քվեաթերթիկներում այդ լեզուներով գրությունները նախատեսված չեն, քանի որ դա շատ թանկ արժե, սակայն քաղաքը կդիմի տարբեր համայնքներին, ընտրությունների համար աշխատողներ կփնտրի, ովքեր խոսում են այդ լեզուներով, և ընտրությունների մասին տեղեկատվություն կներկայացնի»,– ասվում է հաղորդագրության մեջ։
Ըստ քաղաքային խորհրդի ներկայացուցիչ Ջուն Լեգմեի, ծրագիրը կգործարկվի 2015թ.–ին։
Խորհրդի անդամ Փոլ Քրեգորյանն իր հերթին նշել է, որ հայերեն լեզուն առավել տարածված է քաղաքում` անգլերեն, իսպաներեն և կորեերեն լեզուներից հետո։
Խորհրդի անդամ Էրիկ Գարսեթին նշել է, որ քաղաքը կարող է ավելացնել ընտրողների հայտը հատկացված տեղեկատվության և ընտրությունների ժամանակ այլ լեզուներով օգնություն ցուցաբերելու ճանապարհով։
«Մենք վերջին ընտրությունների ժամանակ հայտնաբերել ենք, որ կարող ենք 2 հազարով ավելացնել ընտրողների հայտը` հայախոս մարդկանց հաշվին»,– ասել է Գարսեթին։ –0–
Ծանոթացեք լուրերին առաջինն ու քննարկեք դրանք մեր Telegram-ում
16:44 03.08.2012
