ԲՀԿ–ն կողմնորոշվել է ԱԺ փոխխոսնակի թեկնածուի հարցում, այդ թեկնածությունը համաձայնեցված է նաև Փաշինյանի հետ. թերթ
09.01.2019,
10:45
ԲՀԿ–ն կողմնորոշվել է ԱԺ փոխխոսնակի թեկնածուի հարցում։
ԵՐԵՎԱՆ, 9 հունվարի./ԱՌԿԱ/. ԲՀԿ-ն ԱԺ փոխնախագահի պաշտոնում կառաջադրի Վահե Էնֆիաջյանի թեկնածությունը, գրում է «Ժամանակ» թերթը։
Ըստ թերթի աղբյուրի՝ Էնֆիաջյանի թեկնածությունը համաձայնեցված է նաև վարչապետի պաշտոնակատար Նիկոլ Փաշինյանի հետ:
«Թե ինչու է ընտրվել Վահե Էնֆիաջյանի թեկնածությունը, կարելի է միայն ենթադրել. նա համարվում է բացարձակ կառավարելի և հաստատապես իշխանության համար որևէ խնդիր չի առաջացնի՝ ի տարբերություն Միքայել Մելքումյանի, ով երբեմն-երբեմն դուրս էր գալիս թույլատրելիի սահմաններից և հակադրվում իշխանություններին», – նշում են հոդվածի հեղինակները։–0–
