ՀՀԿ-ն որոշել է մասնակցել ընտրություններին. ԶԼՄ–ները հայտնում են կուսակցության ցուցակի առաջին հնգյակը
19.10.2018,
12:16
ՀՀԿ վերնախավը վերջնականապես որոշում է կայացրել մասնակցել խորհրդարանական արտահերթ ընտրություններին:
ԵՐԵՎԱՆ, 19 հոկտեմբերի. /ԱՌԿԱ/. ՀՀԿ վերնախավը վերջնականապես որոշում է կայացրել մասնակցել խորհրդարանական արտահերթ ընտրություններին՝ հույս ունենալով, որ կարող է գոնե լինել չորրորդ ուժը և ներկայացված լինել խորհրդարանում, հայտնում է «Ժամանակ» օրաթերթը։
Մոտավորապես հայտնի է նաև, թե ինչպիսի տեսք կունենա կուսակցության համամասնական ցուցակի առաջին հնգյակը:
«Ցուցակը կգլխավորի պաշտպանության նախկին նախարար Վիգեն Սարգսյանը, հաջորդում են Արփինե Հովհաննիսյանը, Դավիթ Հարությունյանը, Էդուարդ Շարմազանովը, Արմեն Աշոտյանը», – գրում է թերթը:
Հնարավոր է, որ ցուցակում լինի նաև Երևանի նախկին քաղաքապետ Տարոն Մարգարյանը»:–0–
