ՀՀ վարչապետը Տաշքենդում կմասնակցի ԱՊՀ կառավարությունների ղեկավարների խորհրդի նիստին
02.11.2017,
12:53
Կարեն Կարապետյանն այսօր կմեկնի Տաշքենդ։
ԵՐԵՎԱՆ, 2 նոյեմբերի. /ԱՌԿԱ/. ՀՀ վարչապետի գլխավորած պատվիրակությունը կմասնակցի ԱՊՀ կառավարությունների ղեկավարների խորհրդի նիստին, հաղորդում է ՀՀ կառավարության մամուլի ծառայությունը։
«ՀՀ վարչապետ Կարեն Կարապետյանի գլխավորած պատվիրակությունն այսօր՝ օրվա երկրորդ կեսին, կմեկնի Տաշքենդ՝ ԱՊՀ կառավարությունների ղեկավարների խորհրդի հերթական նիստին մասնակցելու նպատակով», – նշվում է հաղորդագրության մեջ։
Նիստի օրակարգում ընդգրկված են ԱՊՀ մասնակից պետություններում տնտեսական, ինչպես նաև այլ ոլորտներում համագործակցությանը վերաբերող շուրջ երկու տասնյակ հարցեր:–0–
