ՀՀ վարչապետը կոչ արեց հենց հիմա հավաքվել ԱԺ–ի մոտ
ԵՐԵՎԱՆ, 2 հոկտեմբերի. /ԱՌԿԱ/. ՀՀ վարչապետ Նիկոլ Փաշինյանը կոչ արեց քաղաքացիներին հենց հիմա բոլորին հավաքվել ԱԺ–ի շենքի մոտ։
«Հենց նոր տեղեկատվություն ստացվեց, որ ՀՀԿ–ն ժամը 19։30–ին գումարելու է արտահերթ նիստ օրինագծի շուրջ քվեարկության համար, և ես կոչ եմ անում բոլորին հենց հիմա հավաքվել ԱԺ–ի շենքի մոտ», – ասաց Փաշինյանը։
Նա նաև կոչ արեց պատգամավորներին, ովքեր չեն կարծում, որ պետք է դուրս գան ժողովրդի իշխանության դեմ, պարզապես չգնալ խորհրդարան, չգրանցվել և չքվեարկել այդ «խայտառակ օրինագծի» օգտին։
«Կոչ եմ անում քաղաքացիներին հենց հիմա հավաքվել Դեմիրճյանի փողոցի և Բաղրամյան պողոտային խաչմերուկում` խաղաղ ցույց անցկացնելու համար սիրո և համերաշխության բողոքի ակցիայի շրջանակում», – նշեց ՀՀ վարչապետը։
Այսօր ՀՀ վարչապետն այցելել էր ԱԺ, որպեսզի հանդիպի ԱԺ նախագահ Արա Բաբլոյանի հետ և քննարկի «ԱԺ–ի կանոնակարգի մասին» օրենքում նախատեսված փոփոխությունները, որոնք առաջարկել է ՀՀԿ–ն։
Փոփոխությունների էությունն այն է, որ նոր կարգավորումն անդրադառնում է երկու ասպեկտների. եթե նիստը չի կարող կայանալ, քանի որ ոչ ապահովվել քվորում և եթե նիստն անցկացնելու համար առկա է անհրաժեշտ քվորում, ապա ստեղծվում են խոչընդոտներ պատգամավորների մասնակցության համար կամ ի հայտ են եկել հանգամանքներ, որոնց պատճառով խոսնակի գործողություններն արդյունք չեն տալիս։ Այդ դեպքում առաջարկվում է դադարեցնել նիստն ու շարունակել առաջացած հանգամանքների վերացումից հետո։–0–
