Վիգեն Սարգսյան. 200 մլն դոլարի վարկի շրջանակում ռուսական սպառազինության մատակարարումը կավարտվի մինչև տարեվերջ
02.10.2017,
13:57
200 մլն դոլարի վարկային համաձայնագրի շրջանակում ռուսական սպառազինության մատակարարումը Հայաստան կավարտվի 2017 թ.–ի վերջին, տեղեկացրեց ՀՀ պաշտպանության նախարար Վիգեն Սարգսյանը։
ԵՐԵՎԱՆ, 2 հոկտեմբերի. /ԱՌԿԱ/. 200 մլն դոլարի վարկային համաձայնագրի շրջանակում ռուսական սպառազինության մատակարարումը Հայաստան կավարտվի 2017 թ.–ի վերջին, տեղեկացրեց ՀՀ պաշտպանության նախարար Վիգեն Սարգսյանը։
«Զենքի ձեռքբերման գործընթացն ընթանում է բնականոն հունով», – նշեց Սարգսյանը երկուշաբթի ասուլիսի ժամանակ։
ՀՀ պաշտպանության փոխնախարար Դավիթ Փախչանյանն ավելի վաղ հաղորդել էր, որ ռուսական սպառազինության մատակարարումը վերջնական փուլում է։
Ռուսական արտադրության սպառազինության մատակարարումը ֆինանսավորելու նպատակով ՀՀ և ՌԴ կառավարությունները 2015 թ.–ին ստորագրել են Երևանին 200 մլն դոլարի պետական էքսպորտային վարկ տրամադրելու համաձայնագիրը, վարկը տրամադրվում է 10 տարով` մինչև 2018 թ.–ի սկիզբը վճարման տարկետմամբ։–0–
