Հանգստյան օրերին շփման գծում հակառակորդի կողմից հրադադարի ռեժիմը խախտվել է մոտ 60 անգամ

ՍՏԵՓԱՆԱԿԵՐՏ, 8 օգոստոսի. /ԱՌԿԱ/. Հանգստյան օրերին ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 60 անգամ, հաղորդում է ԼՂՀ ՊՆ մամուլի ծառայությունը։

Տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 935 կրակոց:

«ՊԲ առաջապահ զորամասերը, տիրապետելով օպերատիվ-մարտավարական իրադրությանը, շարունակել են վստահորեն իրականացնել մարտական հերթապահություն», – նշվում է հաղորդագրության մեջ։ –0–