ՌԴ իշխանությունները դեմ են Հայաստանում արտահերթ ընտրությունների անցկացմանը

ԵՐԵՎԱՆ, 13 սեպտեմբերի. /ԱՌԿԱ/. Ռուսաստանի իշ­խանությունները կտրուկ դեմ են Հայաստանում արտահերթ խորհրդարանական ընտրու­թյունների անցկացմանը, գրում է «Ժամանակ» օրաթերթը:

ՌԴ նախագահ Վլադիմիր Պուտինը շարունակում է պնդել այն միտ­քը, որ Ռուսաստանը ճանաչում է 2017թ. խորհրդարանական ընտրությունները և դրա արդյունքում ձևավորված խորհրդարանի լեգիտիմությունը: Ավելին՝ ռուսները հասկացրել են, որ նախօրեին տարածված գաղտնալսումն ընդամենը ծիծեռնակն է այն քայլերի, որ Ռուսաստանը կարող է անել, եթե Հայաստանի իշխանությունները շարունակեն հակադրվել: ՀՀԿ-ն և հատկա­պես Ռոբերտ Քոչարյանը ռուսա­կան իշխանությունների այս որոշումը համարում են իրենց անձնական հաղթանակը:

Մյուս կողմից, ինչպես գրում է թերթը, ակնհայտ է, որ եթե այս ԱԺ-ն չլուծարվի և մինչև 2019թ. հունիս տեղի չունե­նան ընտրություններ, հեղափո­խական իշխանությունների և հեղափոխական մյուս ձեռքբե­րումների տապալումը խորհր­դարանում մեծամասնություն ու­նեցող ՀՀԿ-ի համար կլինի մի կում ջուր խմելու նման մի բան։–0–