Խաղաղությունը հասանելի է և պահանջում է երկու երկրների միջև խաղաղության պայմանագրի ստորագրում. Մակրոն
ԵՐԵՎԱՆ, 7 նոյեմբերի./ԱՌԿԱ/. Ֆրանսիան լրջորեն հետաքրքրված է Հայաստանի և Ադրբեջանի միջև արդար և կայուն խաղաղության հաստատմամբ, հայտարարել է Ֆրանսիայի նախագահ Էմանուել Մակրոնը։
«Մենք հետաքրքված ենք Հարավային Կովկասում կայունության, և Հայաստանի ու Ադրբեջանի միջև արդար և կայուն խաղաղության հաստատմամբ։ Ուզում եմ շնորհակալություն հայտնել ձեր ջանքերի համար, որոնց Ֆրանսիան լիովին աջակցում է»,- նշել է Մակրոնը՝ Բուդապեշտում Եվրոպական քաղաքական համայնքի գագաթնաժողովում՝ խոսելով ՀՀ վարչապետ Նիկոլ Փաշինյանի «Խաղաղության խաչմերուկ» նախագծի մասին։
Նրա խոսքով՝ խաղաղությունը հասանելի է, և պահանջում է երկու երկրների միջև խաղաղության պայմանագրի ստորագրում։
Նա նաև նշել է, որ Հարավային Կովկասում խաղաղությունն ունի որոշիչ նշանակություն Եվրոպական խորհրդի և Կենտրոնական Ասիայի միջև ավելի լայն հարաբերությունների համար։
