Հայկական խորհրդարանը վավերացրել է Ավստրիայի հետ համագործակցության մասին համաձայնագիրը

ԵՐԵՎԱՆ, 26 փետրվարի. /ԱՌԿԱ/. ՀՀ Ազգային ժողովը երեքշաբթի վավերացրել է  Հայաստանի և Ավստրիայի կառավարությունների միջև 2012թ.–ի հունիսի 26–ին Երևանում ստորագրված «Զարգացմանն ուղղված համագործակցության մասին» համաձայնագիրը։

«Հայաստանը նմանատիպ համաձայնագրեր ունի բոլոր այն երկրների հետ, որոնք դոնորային աջակցություն են տրամադրում Հայաստանին: Համաձայնագրի գլխավոր նպատակը նաև սոցիալական և քաղաքական զարգացմանը նպաստելն է»,-փաստաթուղթը ներկայացնելիս ասել է ՀՀ ֆինանսների փոխնախարար Վարդան Արամյանը։

Ըստ նրա` փաստաթղթի հիմնական նպատակն է կայուն աճին և տնտեսական զարգացմանն աջակցումը, ինչպես նաև Հայաստանում տնտեսական, քաղաքական և սոցիալական բարեփոխումների անցկացումը։

«Փաստաթուղթը համապատասխանում է 2002թ.–ին ընդունված Ակտի դրույթներին, որի համաձայն` Ավստրիան` զարգացած երկիր լինելով, իր վրա է վերցնում բարեփոխումների անցկացման և աղքատության կրճատման հարցերում զարգացող երկրներին աջակցություն ցուցաբերելու պարտավորությունները»,– նշել է փոխնախարարը։

Արամյանն ընդգծել է, որ  ըստ համաձայնագրի` Հայաստանն իր վրա է վերցնում  ֆինանսական, տեխնիկական և այլ ոլորտներում տուրքերի կամ այլ վճարումների ձևով հարկազատում տալը։ –0–