ՀՀ խորհրդարանը հավանություն տվեց կառավարության կառուցվածքի փոփոխություններին
ԵՐԵՎԱՆ, 18 ապրիլի. /ԱՌԿԱ/. Հայաստանի Ազգային ժողովն առաջին ընթերցմամբ հավանություն տվեղ «Կառավարության կառուցվածքի մասին» օրենքի լրացումներին և փոփոխություններին։
Փաստաթղթին «կողմ» քվեարկեց 71 պատգամավոր, «դեմ»` 40։
Ներկայացված նախագծի համաձայն, ենթադրվում է նախարարությունների թվի կրճատոիմ մինչև 12։ Նախատեսվում է նաև առաջին փոխվարչապետի ինստիտուտի վերացում և փոխվարչապետների թվի կրճատում մինչև երկու։
Մասնավորապես, Մշակույթի նախարարությունը, Սպորտի և երիտասարդության հարցերի նախարարությունը կմիավորվեն Կրթության և գիտության նախարարության հետ, որը կկոչվի Կրթության, գիտության, մշակույթի և սպորտի նախարարություն։ Բացի այդ, առաջարկվում է միավորել գյուղատնտեսության և տնտեսական զարգացման և ներդրումների նախարարություններն Էկոնոմիկայի նախարարության կազմում։
Էներգետիկ ենթակառուցվածքների և բնական պաշարների նախարարությունը և Տարածքային կառավարման և զարգացման նախարարությունն առաջարկվում է միավորել Տարածքային կառավարման և ենթակառուցվածքների նախարարության ստեղծման միջոցով, որի ենթակայության տակ կլինի ամբողջ տրանսպորտը, ինչպես նաև ճանապարհային ենթակառուցվածքի հարցերը։
Կառավարությունը մտադիր է անվանափոխել Տրանսպորտի, կապի և տեղեկատվական տեխնոլոգիաների նախարարությունն Արդյունաբերության և բարձր տեխնոլոգիաների նախարարության, որը կստանձնի նաև թվայնացման և ռազմարդյունաբերության հետ կապված լիազորությունները։
Ինչու՞ է ընդդիմությունը դեմ
Երկու օր շարունակ խորհրդարանում թեժ վեճեր են անցկացվել ներկայացված նախագծի շուրջ։ Ընդդիմադիր խմբակցությունների պատգամավորները խոսել են ոչ միայն ներկայացված օրինագծի թերությունների, այլ նաև իշխանությունների` փաստաթղթի կատարելագործման վերաբերյալ իրենց առաջարկներին։
Քվեարկությունից առաջ «Լուսավոր Հայաստան» խմբակցության առաջնորդ Էդմոն Մարուքյանը հայտնեց, որ մերժվել է իրենց խմբակցության ութ առաջարկություն։
«Մենք ամեն կերպ փորձեցինք առաջ տանել մեր կառուցողական առաջարկները։ Ութ առաջարկություններ մերժվեցին, և կառուցվածքը մնաց նույնը։ Այդ պատճառով խմբակցությունը դեմ է քվեարկելու։ Վստահ ենք, որ այն կառուցվածքը, որն այժմ ընդունվում է, երկար չի գործի, քանի որ ի սկզբանե անարդյունավետ է և պահպանում է սուպերվարչապետությունը»,– ասաց նա։ -0-
