Ռոբերտ Քոչարյանին կալանքից ազատելու մասին որոշումը կհրապարակվի սեպտեմբերի 17–ին

ԵՐԵՎԱՆ, 12 սեպտեմբերի./ԱՌԿԱ/. Հայաստանի երկրորդ նախագահ Ռոբերտ Քոչարյանին կալանքից ազատելու որոշումը կհրապարակվի սեպտեմբերի 17–ին։ Այդ մասին առաջին ատյանի դատարանի արդյունքներով հայտարարեց դատավոր Աննա Դանիբեկյանը։

«Մենք ներկայացրել ենք մեկ միջնորդություն, որը հիմնված է եղել ՍԴ որոշման վրա»,– լրագրողներին նիստից հետո ասաց Քոչարյանի փաստաբան Հայկ Ալումյանը։

Ավելի վաղ նույն օրը Քոչարյանի փաստաբան Արամ Օրբելյանը պահանջել է ազատել նախկին նախագահին։ Դատախազ Գևորգ Բաղդասարյանն իր հերթին կոչ արեց մերժել պաշտպանության պահանջն առանց խափանման որևէ միջոցի Քոչարյանին ազատելու վերաբերյալ։

Հիշեցնենք, որ Սահմանադրական դատարանը սեպտեմբերի 4–ին ուսումնասիրել է Ռոբերտ Քոչարյանի դիմումի հիման վրա՝ Հայաստանի Հանրապետության քրեական դատավարության օրենսգրքի 135-րդ հոդվածի 2-րդ մասի (Խափանման միջոց կիրառելու հիմքերը) և 35-րդ հոդվածի (Քրեական գործի վարույթը կամ քրեական հետապնդումը բացառող հանգամանքներ)՝ Սահմանադրությանը համապատասխանության հարցը»: ՍԴ–ն Սահմանադրությանը չհամապատասխանող է ճանաչել Քոչարյանի գործով մեղադրանքի որոշ կետեր։ Դատարանի որոշմամբ, 35–րդ հոդվածով քրեական գործն ու քրեական հետապնդումը հակասում է Սահմանադրության 27–րդ հոդածի 1–ին մասի 4–րդ կետին, 61–րդ հոդվածի 1–ին մասին, 63–րդ հոդվածի 1–ին մասին և 78–րդ հոդվածին։–0–