Հայաստանի տարածքում օդի ջերմաստիճանը մի փոքր կնվազի

ԵՐԵՎԱՆ, 5 օգոստոսի. /ԱՌԿԱ/. Հայաստանի տարածքում ջերմաստիճանը մի փոքր կնվազի, սպասվում է կարճատև անձրև, հաղորդում է Հայպետհիդրոմետը։

Մասնավորապես, օգոստոսի 5-9-ը օրվա երկրորդ կեսին և գիշերվա առաջին կեսին, առավելապես հյուսիսային շրջաններում սպասվում է կարճատև անձրև և ամպրոպ:

Քամին կլինի հյուսիս-արևելյան` 2-7 մ/վ արագությամբ, ամպրոպի ժամանակ հնարավոր  է քամու ուժգնացում` 15-20 մ/վ արագությամբ:

Օդի ջերմաստիճանը օգոստոսի 8-9-ը կնվազի 2-3 աստիճանով:

Երևանում  օգոստոսի 5-9-ը երեկոյան ժամերին առանձին հատվածներում հնարավոր է կարճատև անձրև և ամպրոպ: Երեկոյան ժամերին սպասվում է քամու ուժգնացում՝ 18-20 մ/վ արագությամբ:

Երևանում օգոստոսի 5–ին ցերեկային ժամերին սպասվում է +34..+36 աստիճան, գիշերը`+19...+21, օգոստոսի 6–ի  ցերեկը` +34...+36,  գիշերը` կրկին +19...+21։-0-