Մի շարք մարզերում վնասազարծվել են կարկտավտանգավոր ամպեր. Հիդրոմետ
ԵՐԵՎԱՆ, 28 ապրիլի. /ԱՌԿԱ/. ԱԻՆ հիդրոօդերևութաբանության և մթնոլորտային երևույթների վրա ակտիվ ներգործության ծառայության հակակարկտային կայանքները ապրիլի 28-ին Արագածոտնի, Կոտայքի, Արմավիրի մարզերում ներգործության են ենթարկել կարկտավտանգավոր ամպեր, հաղորդում է ՀՀ ԱԻՆ Հիդրոմետ ծառայությունը:
Ինչպես նշվում է հաղորդագրության մեջ, ապրիլի 28-ին, ժամը 04.55-ից մինչև 06.32-ը ՀՀ ԱԻՆ հիդրոօդերևութաբանության և մթնոլորտային երևույթների վրա ակտիվ ներգործության ծառայության հակակարկտային 13 կայանքներից Արագածոտնի մարզի Կարբի, Ուջան, Աղձք, Օհանավան և Նոր Եդեսիա համայնքների տարածքներում ներգործության է ենթարկվել կարկտավտանգավոր 2 ամպ, կատարվել է 1537 կրակոց:
Ժամը 04.56-ից մինչև 05.12-ը ՀՀ ԱԻՆ հիդրոօդերևութաբանության և մթնոլորտային երևույթների վրա ակտիվ ներգործության ծառայության հակակարկտային 6 կայանքներից Կոտայքի մարզի Եղվարդ, Զորավան և Արգել համայնքների տարածքներում ներգործության է ենթարկվել կարկտավտանգավոր 1 ամպ, կատարվել է 596 կրակոց:
Ժամը 05.30-ից մինչև 05.47-ը ՀՀ ԱԻՆ հիդրոօդերևութաբանության և մթնոլորտային երևույթների վրա ակտիվ ներգործության ծառայության հակակարկտային 5 կայանքներից Արմավիրի մարզի Հացիկ, Արաքս և Արևադաշտ համայնքների տարածքներում ներգործության է ենթարկվել կարկտավտանգավոր 1 ամպ, կատարվել է 497 կրակոց: -0-
