ԳեոՊրոՄայնինգը աջակցում է «Պարտեզ» մանկական զարգացման կենտրոնին

ԵՐԵՎԱՆ, 8 նոյեմբեր. /ԱՌԿԱ/. ԳեոՊրոՄայնինգ հանքարդյունահանման ընկերությունների  միջազգային խումբը («ԳՊՄ») աջակցում է  Վարդենիս քաղաքում գտնվող երեխաների զարգացման «Պարտեզ» կենտրոնի կրթական ծրագրերին:

Ինչպես տեղեկացնում են ընկերության մամուլի ծառայությունից, սոցիալական ինստիտուտներին տրվող օգնությունը այն մարզերում, որտեղ ընկերությունը իրականացնում իր գործունեությունը հանդիսանում է կորպորատիվ սոցիալական պատասխանատվության «Ռեսուրսներն ի բարօրություն» ծրագրի  հիմնական ուղղություններից մեկը: 

«Պարտեզ» կենտրոնը Գեղարքունիքի մարզում ապրող անապահով ընտանիքների երեխաների համար կազմակերպում և անցկացնում է կրթական ծրագրեր: Ծրագրի շրջանակներում երեխաները  հաճախում են ռուսերեն և անգլերեն լեզուների, երաժշտության, պարի և նկարչության  դասերի, ինչպես նաև շախմատի խմբակ:  Ամռանը երեխաների համար կազմակերպվեցին  էքսկուրսիաներ դեպի Հայաստանի տեսարժան վայրերը, որի նպատակն էր նրանց ծանոթացնել երկրի  մշակութային և պատմական ժառանգությանը:  Կենտրոնում անցկացվում են նաև տոնական միջոցառումներ և  հայտնի գրողների ստեղծագործությունների հիման վրա բեմադրվում են թատերական ներկայացումներ:

«Իր սոցիալական քաղաքականության շրջանակներում ԳեոՊրոմայնինգը հատուկ ուշադրություն է հատկացնում երեխաների և դեռահասների կրթական ծրագրերին:   Ինտերակտիվ դասերի, Ռուսաստանի և Հայաստանի համալսարաններում  լեռնա-մետալուրգիայի մասնագիտություններով  կրթաթոշակային ծրագիրի հետ մեկտեղ մենք հոգ ենք տանում նաև նախադպրոցական տարիքի երեխաների մասին, մասնակցում Արարատի մարզում մանկապարտեզի կառուցմանը և աջակցում Վարդենիսի մանկական զարգացման կենտրոնին: Որպես երկարաժամկետ ներդրող, մենք ուրախ են նպաստելու  մարզերի  սոցիալական զարգացմանը»,- նշեց ԳեոՊրոՄայնինգ խմբի նախագահ Ռոման Խուդոլին։ --0-