«Բարսելոնան» մտադիր է 25 մլն եվրո առաջարկել Հենրիխ Մխիթարյանի համար
ԵՐԵՎԱՆ, 21 մարտի. /ԱՌԿԱ/. Կատալոնիայի «Բարսելոնան» պատրաստվում է այս ամռանը ձեռք բերել Հայաստանի հավաքականի և Դոնեցկի «Շախտյորի» կիսապաշտպան Հենրիխ Մխիթարյանին, հայտնում է շվեյցարական Gerüchte Ticker ինտերնետ–պորտալը։
Պորտալի տեղեկության համաձայն, կատալոնացիները մտադիր են լրջորեն ուժեղացնել թիմի գրոհային գիծը, և երկու գլխավոր առաջնահերթություններ են Բրազիլիայի հավաքականի ու «Սանտոսի» ռմբարկու Նեյմարը, ինչպես նաև Մխիթարյանը։
Նրանք պետք է փոխարինեն Դավիդ Վիլյեին և Ալեքսիս Սանչեսին։
Մխիթարյանի համար, ում պայմանագիրը «Շախտյորի» հետ գործում է մինչև 2015 թվականը, «Բարսելոնայի» ղեկավարությունը մտադիր է առաջարկել 25 մլն եվրո։
Ինքը Մխիթարյանը նախօրեին հայտարարել է «Շախտյորը» լքելու ու եվրոպական սուպերակումբներից մեկն անցնելու մտադրության մասին։ -0-
Ծանոթացեք լուրերին առաջինն ու քննարկեք դրանք մեր Telegram-ում
12:01 21.03.2013
