Հայաստանն ու Արցախը մասնակցում են «TTG Incontri» միջազգային զբոսաշրջային ցուցահանդեսին Իտալիայում
ԵՐԵՎԱՆ, 10 հոկտեմբերի. /ԱՌԿԱ/. Հայաստանը և Արցախը մասնակցում են «TTG Incontri» միջազգային զբոսաշրջային ցուցահանդեսին, որը անցկացվում է հոկտեմբերի 9-11-ը Իտալիայի Ռիմինի քաղաքում, հայտնում է Հայաստանի ազգային մրցունակության հիմնադրամի մամուլի ծառայությունը։
Ցուցահանդեսին կմասնակցեն 130 երկրների շուրջ 2400 զբոսաշրջային ընկերություններ և ավելի քան 52 հազար այցելուներ:
Ցուցահանդեսի ընթացքում միջազգային հանրությանը կներկայացվեն Հայաստանի և Արցախի պատմամշակութային և քրիստոնեական ժառանգությունը ցուցադրող գովազդային նյութեր և քարտեզներ իտալերենով:
Մասնակցությունը խոշորագույն այս ցուցահանդեսին նպատակ ունի խթանելու Հայաստանի և Արցախի զբոսաշրջությունը իտալական շուկայում և նպաստելու ներգնա զբոսաշրջային հոսքերի աճին: -0-
Ծանոթացեք լուրերին առաջինն ու քննարկեք դրանք մեր Telegram-ում
15:33 10.10.2014
