Հայաստանն այս տարի 6300 տոննա ծիրան է արտահանել
03.07.2012,
18:09
Հայաստանը 2012թ. արդեն 6300 տոննա ծիրան է արտահանել, երեքշաբթի լրագրողներին հայտնեց ՀՀ գյուղատնտեսության նախարար Սերգո Կարապետյանը:
ԵՐԵՎԱՆ, 3 հուլիսի. /ԱՌԿԱ/. Հայաստանը 2012թ. արդեն 6300 տոննա ծիրան է արտահանել, երեքշաբթի լրագրողներին հայտնեց ՀՀ գյուղատնտեսության նախարար Սերգո Կարապետյանը:
Ըստ գերատեսչության տվյալների՝ ծիրանի արտահանման ծավալը հունիսի վերջի դրությամբ գրեթե կրկնակի գերազանցել է անցյալ տարվա նույն ցուցանիշը:
«Նաև պահեստներում հավաքվել է մոտ 3 հազ. տոննա, որը ևս պետք է արտահանվի»,- ասել է Կարապետյանը երեքշաբթի ասուլիսի ժամանակ:
Նախարարն ընդգծել է, որ Հյաստանում ծիրանի բերքը և արտահանման ծավալները այս տարի զգալիորեն կգերազանցեն անցյալ տարվա ցուցանիշները, երբ արտահանվել է 7300 տոննա ծիրան, իսկ բերքը 48200 տոննա էր:
Հայկական ծիրանի արտահանման հիմնական երկրներն են Ռուսաստանը, Վրաստանը և Ուկրաինան:
Ըստ գյուղնախարարության տվյալների՝ բացի ծիրանից, այս տարի արտահանվել է նաև ավելի քան 391 տոննա կեռաս, 2,15 տոննա սալոր և գրեթե 848 տոննա խաղող: --0--
