Ղրղըզստանը օրերս կդառնա ԵՏՄ–ի լիիրավ անդամ. Վալովայա

ԵՐԵՎԱՆ, 6 օգոստոսի. ԱՌԿԱ. Եվրասիական տնտեսական հանձնաժողովի (ԵՏՀ) կոլեգիայի ղեկավար Տատյանա Վալովայան ակնկալում է, որ առաջիկա մի քանի օրերին Ղրղըզստանը կդառնա Եվրասիական տնտեսական միության (ԵՏՄ) լիիրավ անդամ, ասվում է  «Նովոստի–Արմենիա» գործակալություն ստացված նրա մեկնաբանությունում։

Նրա խոսքով` ԵՏՄ–ին Ղրղըզստանի միանալու մասին պայմանագրի վավերացման ընթացակարգն ավարտված է։

«Այն ստանալուց հետո նոտան կհրապարակի Եվրասիական տնտեսական հանձնաժողովի կողմից, և պայմանագրին համապատասխան Ղրղըզստանի Հանրապետությունը կդառնա ԵՏՄ լիիրավ մասնակից։ Մենք ակնկալում ենք, որ դա տեղի կունենա առաջիկա մի քանի օրերին»,– ասել է նա։

Վալովայայի խոսքով` դրա հետ կապված հիմա բոլոր մակարդակներում իրականացվում են բոլոր անհրաժեշտ տեխնիկական ընթացակարգերը, որպեսզի այդ նոտայի հրապարակումից հետո ապահովվեն բոլոր անհրաժեշտ միջոցառումները, ներառյալ մաքսային հսկողության հանումը։

ԵՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա և գործում է այս տարվա հունվարի 1–ից։ Այժմ ԵՏՄ–ի անդամներ են` Ռուսաստանը, Հայաստանը, Բելառուսը և Ղազախստանը, շուտով կմիանա նաև Ղրղըզստանը։ -0-