Պեսկով․ Ռուսաստանի համար կարևոր է, որպեսզի Հայաստանն ու Ադրբեջանը որքան հնարավոր է շուտ կնքեն խաղաղության պայմանագիրը
27.12.2023,
13:37
Պեսկովն ընդգծել է, որ Ռուսաստանը չի պարտադրում իր միջնորդությունը, բայց հասկանում է խաղաղության պայմանագրի շուրջ աշխատանքների ավարտի կարևորությունը
ԵՐԵՎԱՆ, 27 դեկտեմբերի․/ԱՌԿԱ/․ Ռուսաստանի համար կարևոր է, որ Հայաստանն ու Ադրբեջանը որքան հնարավոր է շուտ կնքեն խաղաղության պայմանագիր։ ՏԱՍՍ-ի փոխանցմամբ՝ այս մասին «Իզվեստիա» հեռուստաալիքին տված հարցազրույցում հայտարարել է ՌԴ նախագահի մամուլի քարտուղար Դմիտրի Պեսկովը։
Դեկտեմբերի 26-ին կայացած ԱՊՀ ոչ պաշտոնական գագաթնաժողովի շրջանակում Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը երկկողմ ձևաչափով քննարկել են հայ-ադրբեջանական խաղաղության օրակարգին վերաբերող հարցեր։
Պեսկովն ընդգծել է, որ Ռուսաստանը չի պարտադրում իր միջնորդությունը, բայց հասկանում է խաղաղության պայմանագրի շուրջ աշխատանքների ավարտի կարևորությունը։
«Մեզ համար շատ կարևոր է, որ մեր երկու գործընկերները, դաշնակիցները՝ ոչ միայն ԱՊՀ, այլ նաև մեր զարգացած երկկողմ հարաբերությունների շրջանակում, հնարավորինս արագ կնքեն այդ պայմանագիրը»,- պարզաբանել է Պեսկովը՝ հավելելով, որ դա Կովկասում խաղաղության, կայունության և կանխատեսելիության մթնոլորտ կապահովեր, ինչը կարևոր է Մոսկվայի համար։
«Երկու կողմերն էլ վերջերս մեկ անգամ չէ, որ հայտարարել են իրենց պատրաստակամության մասին ավարտին հասցնելու աշխատանքները խաղաղ պայմանագրի շուրջ։ Ռուսաստանը պատրաստ է օգնել նրանց, պատրաստ է ողջունել դա»,- նշել է Կրեմլի ներկայացուցիչը։
Ավելի վաղ Փաշինյանը հայտարարել էր Հայաստանի պատրաստակամության մասին մինչև այս տարվա վերջ Ադրբեջանի հետ խաղաղության պայմանագիր կնքել։ Նրա խոսքով, համաձայնեցվել են 3 հիմնարար սկզբունքներ, որոնք կարող են նպաստել խաղաղության հաստատմանը։ Դրանք են Հայաստանի և Ադրբեջանի կողմից միմյանց տարածքային ամբողջականության փոխադարձ ճանաչումը, պետական սահմանի սահմանազատումը և սահմանազատումը Ալմա-Աթայի հռչակագրի հիման վրա և բոլոր տարածաշրջանային հաղորդակցությունների բացումը՝ հիմնված երկրների ինքնիշխանության, իրավասության և օրենսդրության նկատմամբ փոխադարձ հարգանքի վրա:
Նոյեմբերի 18-ին Հայաստանի վարչապետ Նիկոլ Փաշինյանը հայտարարեց, որ Երևանը Բաքվին է փոխանցել խաղաղ պայմանագրի իր առաջարկները, իսկ դեկտեմբերի 25-ին ՀՀ ԱԳՆ մամուլի քարտուղար Անի Բադալյանն ասել է, որ պաշտոնական Երևանը Բաքվից ստացել է հերթական առաջարկներ։-0-
Դեկտեմբերի 26-ին կայացած ԱՊՀ ոչ պաշտոնական գագաթնաժողովի շրջանակում Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը երկկողմ ձևաչափով քննարկել են հայ-ադրբեջանական խաղաղության օրակարգին վերաբերող հարցեր։
Պեսկովն ընդգծել է, որ Ռուսաստանը չի պարտադրում իր միջնորդությունը, բայց հասկանում է խաղաղության պայմանագրի շուրջ աշխատանքների ավարտի կարևորությունը։
«Մեզ համար շատ կարևոր է, որ մեր երկու գործընկերները, դաշնակիցները՝ ոչ միայն ԱՊՀ, այլ նաև մեր զարգացած երկկողմ հարաբերությունների շրջանակում, հնարավորինս արագ կնքեն այդ պայմանագիրը»,- պարզաբանել է Պեսկովը՝ հավելելով, որ դա Կովկասում խաղաղության, կայունության և կանխատեսելիության մթնոլորտ կապահովեր, ինչը կարևոր է Մոսկվայի համար։
«Երկու կողմերն էլ վերջերս մեկ անգամ չէ, որ հայտարարել են իրենց պատրաստակամության մասին ավարտին հասցնելու աշխատանքները խաղաղ պայմանագրի շուրջ։ Ռուսաստանը պատրաստ է օգնել նրանց, պատրաստ է ողջունել դա»,- նշել է Կրեմլի ներկայացուցիչը։
Ավելի վաղ Փաշինյանը հայտարարել էր Հայաստանի պատրաստակամության մասին մինչև այս տարվա վերջ Ադրբեջանի հետ խաղաղության պայմանագիր կնքել։ Նրա խոսքով, համաձայնեցվել են 3 հիմնարար սկզբունքներ, որոնք կարող են նպաստել խաղաղության հաստատմանը։ Դրանք են Հայաստանի և Ադրբեջանի կողմից միմյանց տարածքային ամբողջականության փոխադարձ ճանաչումը, պետական սահմանի սահմանազատումը և սահմանազատումը Ալմա-Աթայի հռչակագրի հիման վրա և բոլոր տարածաշրջանային հաղորդակցությունների բացումը՝ հիմնված երկրների ինքնիշխանության, իրավասության և օրենսդրության նկատմամբ փոխադարձ հարգանքի վրա:
Նոյեմբերի 18-ին Հայաստանի վարչապետ Նիկոլ Փաշինյանը հայտարարեց, որ Երևանը Բաքվին է փոխանցել խաղաղ պայմանագրի իր առաջարկները, իսկ դեկտեմբերի 25-ին ՀՀ ԱԳՆ մամուլի քարտուղար Անի Բադալյանն ասել է, որ պաշտոնական Երևանը Բաքվից ստացել է հերթական առաջարկներ։-0-
