ՀՀ վարչապետն արդիական է համարում Իրանի և ԵՏՄ–ի միջև առևտրային համաձայնագրի հնարավոր կնքումը
29.05.2015,
18:14
ՀՀ վարչապետ Հովիկ Աբրահամյանն արդիական է համարում Եվրասիական տնտեսական միության և Իրանի միջև առևտրային համաձայնագրի հնարավոր կնքումը։ Այս մասին նա հայտարարել է ուրբաթ Եվրասիական միջկառավարական խորհրդի ընդլայնված նիստի ժամանակ։
ԵՐԵՎԱՆ, 29 մայիսի. /ԱՌԿԱ/. ՀՀ վարչապետ Հովիկ Աբրահամյանն արդիական է համարում Եվրասիական տնտեսական միության և Իրանի միջև առևտրային համաձայնագրի հնարավոր կնքումը։ Այս մասին նա հայտարարել է ուրբաթ Եվրասիական միջկառավարական խորհրդի ընդլայնված նիստի ժամանակ։
Ավելի վաղ նշվում էր, որ Եվրասիական տնտեսական հանձնաժողովն ու Իրանը պայմանավորվել են մշակել ազատ առևտրի գոտու մասին համաձայնագրի հաստատման հնարավորությունները։
«Բոլոր պետությունների կարծիքով` Իրանի հետ արտոնյալ առևտրային համաձայնագրի հեռանկարի կնքման նպատակահարմարությանն ուղղված բոլոր ուսումնասիրություններն արդիական են։ Դա թույլ կտա միության անդամներին դուրս գալ արտաքին շուկաներ և հասանելիություն ստանալ Միջին Արևելքի կարևորագույն տարանցիկ երթուղիների նկատմամբ... Խոսելով Իրանի հետ համագործակցության մասին` հարկավոր է ուշադրություն դարձնել նաև Իրանի հետ Հայաստանի և Պարսից ծոցի մյուս երկրների տարածքներով անցնող ԵՏՄ երկրների լոգիստիկ հանգույցի նախագծերի համատեղ առաջխաղացման և իրականացման թեմային», – ասել է Աբրահամյանը։ Այս մասին հայտնում է ՌԻԱ Նովոստին։
Ուրբաթ Ղազախստանում անցկացվում է Եվրասիական միջկառավարական խորհրդի ընդլայնված նիստը։ ՌԴ կառավարության տվյալներով` խորհրդի նիստի օրակարգում ներառված է մոտ 20 հարց` փոխադարձ առևտրի վիճակն ու ԵՏՄ պետությունների ապրանքաշրջանառության ծավալի ավելացումը, միության տնտեսական զարգացման հիմնական ուղղությունները, համագործակցության խորացումը մակրոտնտեսական և ֆինանսական–արժութային քաղաքականության ոլորտներում, արտահանմանն աջակցող միջոցները, ինչպես նաև` ԵՏՄ–ում մաքսային կարգավորման արդիականացման հարցերը։
ԵՏՄ–ն միջազգային ինտեգրացիոն տնտեսական միություն է, որը ստեղծվել է Մաքսային միության և Միասնական տնտեսական տարածքի հիման վրա։ ԵՏՄ–ն գործում է այս տարվա հունվարի 1–ից։ ԵՏՄ–ի անդամներն են Ռուսաստանը, Հայաստանը, Բելառուսն ու Ղազախստանը, իսկ մայիսի 29–ից նրանց է միացել նաև Ղրղըզստանը։
Միջկառավարական խորհուրդը միության մարմինն է, որն ապահովում է Գերագույն խորհրդի պայմանագրի և որոշումների կատարումն ու վերահսկողությունը, հանձնարարություններ է տալիս Եվրասիական տնտեսական հանձնաժողովին, ինչպես նաև իրականացնում է Պայմանագրով և Միության շրջանակում կնքված միջազգային պայմանագրերով նախատեսված այլ լիազորություններ։ –0– Ա.Թ.
Ավելի վաղ նշվում էր, որ Եվրասիական տնտեսական հանձնաժողովն ու Իրանը պայմանավորվել են մշակել ազատ առևտրի գոտու մասին համաձայնագրի հաստատման հնարավորությունները։
«Բոլոր պետությունների կարծիքով` Իրանի հետ արտոնյալ առևտրային համաձայնագրի հեռանկարի կնքման նպատակահարմարությանն ուղղված բոլոր ուսումնասիրություններն արդիական են։ Դա թույլ կտա միության անդամներին դուրս գալ արտաքին շուկաներ և հասանելիություն ստանալ Միջին Արևելքի կարևորագույն տարանցիկ երթուղիների նկատմամբ... Խոսելով Իրանի հետ համագործակցության մասին` հարկավոր է ուշադրություն դարձնել նաև Իրանի հետ Հայաստանի և Պարսից ծոցի մյուս երկրների տարածքներով անցնող ԵՏՄ երկրների լոգիստիկ հանգույցի նախագծերի համատեղ առաջխաղացման և իրականացման թեմային», – ասել է Աբրահամյանը։ Այս մասին հայտնում է ՌԻԱ Նովոստին։
Ուրբաթ Ղազախստանում անցկացվում է Եվրասիական միջկառավարական խորհրդի ընդլայնված նիստը։ ՌԴ կառավարության տվյալներով` խորհրդի նիստի օրակարգում ներառված է մոտ 20 հարց` փոխադարձ առևտրի վիճակն ու ԵՏՄ պետությունների ապրանքաշրջանառության ծավալի ավելացումը, միության տնտեսական զարգացման հիմնական ուղղությունները, համագործակցության խորացումը մակրոտնտեսական և ֆինանսական–արժութային քաղաքականության ոլորտներում, արտահանմանն աջակցող միջոցները, ինչպես նաև` ԵՏՄ–ում մաքսային կարգավորման արդիականացման հարցերը։
ԵՏՄ–ն միջազգային ինտեգրացիոն տնտեսական միություն է, որը ստեղծվել է Մաքսային միության և Միասնական տնտեսական տարածքի հիման վրա։ ԵՏՄ–ն գործում է այս տարվա հունվարի 1–ից։ ԵՏՄ–ի անդամներն են Ռուսաստանը, Հայաստանը, Բելառուսն ու Ղազախստանը, իսկ մայիսի 29–ից նրանց է միացել նաև Ղրղըզստանը։
Միջկառավարական խորհուրդը միության մարմինն է, որն ապահովում է Գերագույն խորհրդի պայմանագրի և որոշումների կատարումն ու վերահսկողությունը, հանձնարարություններ է տալիս Եվրասիական տնտեսական հանձնաժողովին, ինչպես նաև իրականացնում է Պայմանագրով և Միության շրջանակում կնքված միջազգային պայմանագրերով նախատեսված այլ լիազորություններ։ –0– Ա.Թ.
