Մառախուղի պատճառով մի շարք ինքնաթիռներ չեն կարողացել վայրէջք կատարել «Զվարթնոց» օդանավակայանում
10.12.2024,
15:03
Մի շարք ինքնաթիռներ չեն կարողացել վայրէջք կատարել «Զվարթնոց» օդանավակայանում
ԵՐԵՎԱՆ, 10 դեկտեմբերի․/ԱՌԿԱ/. Առավոտյան խիտ մառախուղի պատճառով մի քանի չվերթեր հետաձգվել են։ Այս մասին «Նովոստի-Արմենիա» գործակալության հետ զրույցում ասաց «Զվարթնոց» օդանավակայանի մամուլի քարտուղար Լուսինե Մողրովյանը։
Ավելի վաղ լրատվամիջոցներում տեղեկություններ էին տարածվել, որ երեք չվերթերի ինքնաթիռներ վայրէջք չեն կարողացել կատարել։
Մասնավորապես, Լառնակայից Երևան ուղևորված Wizz Air ավիաընկերության օդանավը չի կարողացել վայրէջք կատարել և ուղևորվել է Թբիլիսի, իսկ առավոտյան դեպի Մոսկվա թռիչքը հետաձգվել է։
Մողրովյանը նշել է, որ 12։00-ից բոլոր չվերթերն իրականացվել են ըստ չվացուցակի։
