Երևան-Կազան ուղիղ չվերթեր են գործարկվում

ԵՐԵՎԱՆ, 18 դեկտեմբերի. /ԱՌԿԱ/. Նոր տարվա տոներին Կազանի օդանավակայանում բացվում են երեք նոր չվերթեր դեպի Երևան:

Ինչպես գրում է «КП-Казань»-ը, առաջին չվերթը նախատեսվում է իրականացնել դեկտեմբերի 30-ին 16:30-ին (այստեղ և այսուհետև նշված է տեղական ժամը), ժամանումը` 20:20-ին: Երևանի «Զվարթնոց» օդավակայանից հետադարձ` դեպի Թաթարստանի մայրաքաղաք, մեկնումը` 21:30-ին, ժամանումը` Կազան` 23:25-ին:

Հաջորդ չվերթը նախատսված է հունվարի 4-ին` Թաթարստանից 13:25-ին, Երևան ինքնաթիռը կժամանի 17:15: Հետադարձ չվերթը Հայաստանից նախատեսվում է իրականացնել 18:15, իսկ Կազան ինքնաթիռը կժամանի 20:05:

Հաջորդ չվերթը Երևան կիրականացվի հունվարի 8-ին ժամն 08:00, «Զվարթնոց« օդանավակայան ինքնաթիռը կժամանի 11:50-ին, հետադարձ չվերթը`12:50, ժամանումը` 14:40:

Չվերթերը կիրականացնեն Թաթարստանի CRJ-200 ավիաընկերության 50 տեղանոց ինքնաթիռներ: Չվերթի տևողությունը կկազմի 2 ժամ 50 րոպե:-0-