Armenia ավիաընկերությունն իրականացնելու է Երևան–Մոսկվա–Երևան կանոնավոր չվերթեր
ԵՐԵՎԱՆ, 12 փետրվարի./ԱՌԿԱ/. Armenia ավիաընկերությունը թույլտվություն է ստացել իրականացնել Երևան–Մոսկվա–Երևան կանոնավոր չվերթեր, տեղեկացրել է ավիաընկերության գլխավոր տնօրենի տեղակալ Գևորգ Խաչատրյանը։
«Չվերթերն իրականացվելու են շաբաթական 4 չվերթ հաճախականությամբ` յուրաքանչյուր երկուշաբթի, չորեքշաբթի, ուրբաթ և կիրակի օրերին», – նշել է նա Facebook–յան իր էջում։
«Կանոնավար չվերթները ենթադրում են, որ ՀՀ քաղաքացիները միայն նշված օրերի և բացառապես Մոսկվա կարող են մեկնել միայն COVID 19 թեստի բացասական արդյունք ունենալու պարագայում։ Չարթերային չվերթների դեպքում մարտի 1 ից հետո շարունակելու են գործել նախկինում գործող սահմանափակումները», – նշել է նա։
2021 թվականի փետրվարի 1-ից մեկնարկել է պիլոտային ծրագիր, համաձայն որի Հայաստանից Ռուսաստան և հակառակ ուղղությամբ ճամփորդելու համար ուղևորին թույլատրվում է պետական սահմանը հատել կորոնավիրուսային հիվանդության հետազոտության բացասական արդյունքի առկայության դեպքում։ Ընդ որում՝ նմուշառումը իրականացվել է թռիչքի ժամից առավելագույնը 72 ժամ առաջ։–0–
