Armenian Airlines–ը դեկտեմբերի 20–ից կվերսկսի չվերթերը մի շարք ուղղություններով

ԵՐԵՎԱՆ, 19 դեկտեմբերի․/ԱՌԿԱ/․ Դեկտեմբերի 20-ից Armenian Airlines-ը վերսկսում է չվերթները՝ սահմանված չվացուցակով։

Այս մասին նշվում է ավիաընկերության Facebook-յան էջում։

Ավելի վաղ Armenian Airlines-ը հայտարարել էր դեկտեմբերի 9-ից բոլոր ուղղություններով թռիչքները վերսկսելու մասին, սակայն ավելի ուշ հայտարարեց ժամկետի փոփոխության մասին ավիաընկերության ինքնաթիռների պլանային տեխնիկական սպասարկման (C-check) հետաձգման պատճառով։

Ընկերությունից հայտնում են, որ դեկտեմբերի 20–ին կիրականացվեն չվերթեր Երևան – Մոսկվա, Երևան – Սոչի, Երևան – Կազան ուղղություններով։

Դեկտեմբերի 21–ից կիրականացվի չվերթ Երևան – Միներալնիե Վոդի ուղղությամբ։

Երևան – Վոլգոգրադ երթուղով չվերթը կիրականացվի դեկտեմբերի 22–ից։

Դեկտեմբերի 25-ից կիրականացվի չվերթ Երևան–Ուֆա երթուղով։