Փաշինյանը հայտարարել է, որ հայկական կողմը պատրաստ է վերսկսել խաղաղ գործընթացը Ղարաբաղի հարցով
09.10.2020,
15:30
Փաշինյանը հայտարարել է, որ հայկական կողմը պատրաստ է վերսկսել խաղաղ գործընթացը Ղարաբաղի հարցով
ԵՐԵՎԱՆ, 9 հոկտեմբերի./ԱՌԿԱ/. Հայկական կողմը պատրաստ է վերսկսել խաղաղ գործընթացը Ղարաբաղի հարցով, ուրբաթ հայտարարեց ՀՀ վարչապետ Նիկոլ Փաշինյանը` ելույթ ունենալով Երևանում ԵՏՄ Միջկառավարական խորհրդի ընդլայնված նիստին։
Այսօր Մոսկվայում տեղի կունենան Հայաստանի, Ռուսաստանի և Ադրբեջանի ԱԳ նախարարների խորհրդակցությունները, որոնց մասնակցելու նպատակով Մոսկվա է մեկնել ՀՀ ԱԳ նախարար Զոհրաբ Մնացականյանը։ Ըստ ՌԴ նախագահի կոչի՝ օրակարգում բացառապես ռազմական գործողությունների դադարեցման, հումանիտար նպատակներով դիակների և գերիների փոխանակման հարցերն են:
«Մենք հավատարիմ ենք ղարաբաղյան հակամարտության խաղաղ կարգավորման սկզբունքին և պատրաստ ենք վերսկսել խաղաղ գործընթացը` համաձայն ԵԱՀԿ Մինսկի խմբի համանախագահ երկրների նախագահների ու արտգործնախարարների կողմից վերջին մի քանի օրն արված հայտարարություններին», – ասաց Փաշինյանը։
ՀՀ վարչապետը նիստի մասնակիցներին է ներկայացրել Ղարաբաղի շուրջ տիրող իրավիճակն` ընդգծելով, որ Հայաստանի համար այն ճակատագրական թեմա է։–0–
«Մենք հավատարիմ ենք ղարաբաղյան հակամարտության խաղաղ կարգավորման սկզբունքին և պատրաստ ենք վերսկսել խաղաղ գործընթացը` համաձայն ԵԱՀԿ Մինսկի խմբի համանախագահ երկրների նախագահների ու արտգործնախարարների կողմից վերջին մի քանի օրն արված հայտարարություններին», – ասաց Փաշինյանը։
ՀՀ վարչապետը նիստի մասնակիցներին է ներկայացրել Ղարաբաղի շուրջ տիրող իրավիճակն` ընդգծելով, որ Հայաստանի համար այն ճակատագրական թեմա է։–0–
