Հունիսի 20-ի հիմնական իրադարձությունների ծանուցում

09:30 – Արմենիա Մարիոթ հյուրանոցի Աշոտ Երկաթ սրահ: Գերմանիայի միջազգային համագործակցության ասոցիացիայի կողմից կազմակերպած կրթական համաժողով:

11:00 – Արմենիա Մարիոթ հյուրանոցի Աշոտ Երկաթ սրահ: «Samsung Electronics Co. Ltd»-ի հայաստանյան ներկայացուցչության ղեկավար Անդրանիկ Շահբազյանի և Հայաստանում սմարթֆոնների վաճառքի առաջատար Orange Արմենիայի գլխավոր տնօրեն Բրունո Դյութուայի համատեղ մամլո ասուլիսը, որի ժամանակ կներկայացվի GALAXY S-ի երրորդ սերնդի մոդելը՝ GALAXY S III-ը:

11:00 – Հենարան: Ադրբեջանահայերի ասամբլեայի նախագահ, ադրբեջանագետ Գրիգորի Այվազյանի ասուլիսը՝ նվիրված Փախստականների միջազգային օրվան:

11:30 –Հայաստանի Դեմոկրատական կուսակցության կենտրոնական գրասենյակ: Մամուլի ասուլիս` «Հայ փախստականների իրավունքները և դրանց իրականացման իրողությունները» թեմայով: 

12:00 – Մշակույթի նախարարություն: Մամուլի ասուլիս՝ Քիշնևում երիտասարդ թատերական գործիչների ֆորումին Հայաստանի մասնակցության թեմայով: Ներկա կլինեն` Հայաստանի թատերական գործիչների միության նախագահ Հակոբ Ղազանչյանը, Միության քարտուղար Սոնա Մելոյանը, Հովհաննես Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը, դերասանուհի և ռեժիսոր Նարինե Գրիգորյանը:

12:00 Փաստարկ: Նորավանք հիմնադրամի տնօրեն Գագիկ Հարությունյան: Թեմա` «Ղարաբաղյան կարգավորումը` տարածաշրջանային գործընթացների համատեքստում»: 

14:30 – Արամ Խաչատրյանի անվան համերգասրահ: Հայաստանի պետական ֆիլհարմոնիկ նվագախմբի մամլո ասուլիսը, որտեղ կներկայացնի Ֆիլհարմոնիկի` հունիսի 22-ին բրիտանական արքունիքի գլխավոր հրավիրյալ դիրիժոր Քրիստոֆեր Ուորեն-Գրինի ղեկավարությամբ և անվանի դաշնակահար Բերնդ Գլեմզերի մենակատարությամբ կայանալիք համերգը: