ՀՀ–ում ապրիլին իրականացվել է անշարժ գույքի ավելի քան 4.7 հազ․ առքուվաճառքի գործարք, օտարերկրացիների շրջանում ամենից շատ ՌԴ քաղաքացիներ են
ԵՐԵՎԱՆ, 12 հունիսի․/ԱՌԿԱ/․ 2025 թվականի ապրիլին Հայաստանի անշարժ գույքի շուկայում իրականացվել է 4778 առուվաճառքի գործարք՝ 2024 թվականի ապրիլի 4528 և 2025 թվականի մարտի 4258 գործարքների համեմատ: Այս մասին են վկայում Հանրապետության ազգային վիճակագրական կոմիտեի տվյալները:
Հաշվետու ամսում գործարքների ամենամեծ թիվը՝ 1890 (ընդհանուր թվի 39.6%-ը), կատարվել է Երևանում, իսկ ամենափոքր թիվը՝ 69 (1.5%)՝ Վայոց Ձորում։
Անշարժ գույքի առուվաճառքի ոլորտում գերակշռում են հողամասերի հետ կապված գործարքները (1881 կամ ընդհանուր թվի 39.5%-ը): Բազմաբնակարան շենքերի բնակարանների հետ կապված գործարքների թիվը կազմել է 1662 (34.8%), բնակելի տների հետ կապված գործարքների թիվը՝ 561 (11.7%), ավտոտնակների հետ կապված գործարքների թիվը՝ 456 (9.5%), հասարակական նշանակության շենքերի հետ կապված գործարքների թիվը՝ 179 (3.7%) և արդյունաբերական նշանակության շենքերի հետ կապված գործարքների թիվը՝ 39 (0.8%):
Այս տարվա ապրիլին օտարերկրյա քաղաքացիները Հայաստանում անշարժ գույքի գնման 154 գործարք են կատարել։ Դրանցից 93 գործարք կատարվել է Ռուսաստանի քաղաքացիների, 26-ը՝ եվրոպական երկրների քաղաքացիների, 15-ը՝ ԱՄՆ քաղաքացիների, 12-ը՝ ԱՊՀ երկրների (բացառությամբ Ռուսաստանի Դաշնության) քաղաքացիների, 5-ը՝ Իրանի քաղաքացիների և ևս 3 գործարք՝ այլ պետությունների քաղաքացիների կողմից։
Օտարերկրյա քաղաքացիների կողմից կատարված անշարժ գույքի 154 գնման գործարքներից 89-ը կատարվել են բազմաբնակարան շենքերի բնակարանների շուկայում, 21-ը՝ ավտոտնակների շուկայում, 20-ը՝ բնակելի տների շուկայում, 17-ը՝ հողի շուկայում, 5-ը՝ հասարակական նշանակության շինությունների շուկայում, իսկ 2-ը՝ արդյունաբերական նշանակության շինությունների շուկայում։ Օտարերկրացիներն ամենից շատ անշարժ գույք են գնել Երևանում (103 գորշարք), ամենաքիչը՝ Սյունիքի մարզում (1 գործարք)։
Ավելին, հաշվետու ամսվա ընթացքում Հայաստանում գտնվող օտարերկրյա քաղաքացիները կատարել են անշարժ գույքի 192 առուվաճառքի գործարք։ Այսպես, 151 գործարք կատարվել է Ռուսաստանի քաղաքացիների կողմից, 11-ը՝ ԱՊՀ երկրների (բացառությամբ Ռուսաստանի Դաշնության) քաղաքացիների կողմից, 10-ը՝ եվրոպական երկրների քաղաքացիների կողմից, 8-ը՝ ԱՄՆ քաղաքացիների կողմից, 5-ը՝ Իրանի քաղաքացիների, և ևս 7 գործարք կատարվել է այլ երկրների քաղաքացիների կողմից։
Օտարերկրյա քաղաքացիների կողմից անշարժ գույքի վաճառքի 192 գործարքներից 80-ը կնքվել է բազմաբնակարան շենքերի բնակարանների շուկայում, 58-ը՝ հողի շուկայում, 48-ը՝ բնակելի տների շուկայում, 5-ը՝ ավտոտնակների շուկայում և 3-ը՝ հասարակական նշանակության շենքերի շուկայում։ Արդյունաբերական նշանակության շենքերի շուկայում գործարքներ չեն իրականացվել։ Օտարերկրյա քաղաքացիները ամենաշատ անշարժ գույքը վաճառել են Երևանում (47 գործարք), իսկ ամենաքիչը՝ Վայոց Ձորի մարզում (3 գործարք):
