Рейтинг@Mail.ru
USD
396.51
EUR
414.95
RUB
4.3582
GEL
140.05
2025 թ. փետրվարի 15, շաբաթ
եղանակը
Երևանում
0

Ապահով գնումներ համացանցում. մի քանի խորհուրդ

10.05.2021, 10:42
Յուրաքանչյուր օր աշխարհում զեղծարարությունների զոհ է դառնում ինտերնետ-գնորդների երկու տոկոսը
Ապահով գնումներ համացանցում. մի քանի խորհուրդ

ԵՐԵՎԱՆ, 10 մայիսի./ԱՌԿԱ/. Յուրաքանչյուր օր աշխարհում զեղծարարությունների զոհ է դառնում ինտերնետ-գնորդների երկու տոկոսը: Ցուցանիշը փոքր է միայն առաջին հայացքից:

2020 թ տվյալով, աշխարհում ինտերնետ գնումներ իրականացրածների թիվը հասել է մոտ 1,92 մլրդ-ի (օրական՝ մոտ 5,27 մլն մարդ):

Առցանց գնումների ծավալի աճի զուգահեռ աճում է նաեւ համացանցում ֆինանսական զեղծարարությունների ցուցանիշը: Չնայած, ինտերնետ տիրույթի նկատմամբ հետաքրքրության աճին, ողջ աշխարհում կիբեռհանցագործությունների դեմ պայքարի արդյունավետությունը շատ փոքր է՝ նախորդ տարվա տվյալով մոտ մեկ տոկոս, ինչը բացատրվում է թե այդպիսի դեպքերի կապակցությամբ ոստիկանությանը չդիմելու հանգամանքով, թե դրանց բացահայտման բարդությամբ ու պահանջվող երկար ժամանակով:

Այնպես որ, ինտերնետ գնումներ կատարելիս խաբեության զոհ չդառնալու եւ գումար չկորցնելու համար ավելի հեշտ է <<յոթ անգամ չափել, մեկ անգամ կտրել>> նախքան գնումը՝ խնայելով նյարդեր ու ժամանակ, քան փորձել ծախսած գումարը հետ ստանալ այլ երկրում գրանցված կամ կեղծ կայքից: Ուրեմն՝

-Նախեւառաջ համոզվեք, որ մուտք եք գործել իրական կայք՝ ասենք ebay.com, այլ ոչ, օրինակ, ebuy.com : Կեղծ կայքում դուք կկարողանաք վճարել, բայց ապրանք կամ ծառայություն չեք ստանա: Ստուգեք կայքի վարկանիշը հաճախորդների կարծիքների օգնությամբ:

-Ուշադրություն դարձրեք կայքի հետ տվյալների փոխանակման անվտանգությանը: Հիշեք՝ բրաուզերի վերևի ձախ անկյունում արտացոլված HTTPS գրառումը կանաչ գույնով կամ կողպեքի նշանը անվտանգության հավելյալ երաշխիք են:

-Գնումներ մի կատարեք կայքերում, որոնք պահանջում են սոցիալական քարտի համարը (SSN) , անձնագրի սերիան և համարը: Օգտագործեք բարդ՝ մեծատառ+փոքրատառ+թիվ+ նշան պարունակող գաղտնաբառ:

- Փորձեք Ձեր քարտային տվյալները չթողնել կայքերում՝ դրանք ունեն <<հիշողություն>>, որից կարող են օգտվել զեղծարարները; Կան գնումների ավելի անվտանգ տարբերակներ: Օրինակ, Կոնվերս Բանկի Վիզա վիրտուալ քարտը: Այն անվտանգ է, քանի որ դրա միջոցով հնարավոր չէ հասանելիություն ստանալ Ձեր ֆինանսական միջոցներին եւ անձնական տվյալներին:

Վիզա Վիրտուալի եւս մեկ առավելություն այն է, որ այն վիրտուալ է. Դուք երբեք չեք կարող կորցնել մի քարտ, որը ֆիզիկապես գոյություն չունի:

Բանկը վերահսկվում է ԿԲ կողմից:-0-