Դիլիջանում կառուցվում է բնակելի համալիր` 16,5 մլն դոլար ներդրումով
02.08.2024,
16:28
Կառուցվում են 6 հարկանի բազմաբնակարան բնակելի շենքեր
ԵՐԵՎԱՆ, 2 օգոստոսի․/ԱՌԿԱ/. Տավուշի մարզի Դիլիջան քաղաքում մասնավոր հատվածը 16,5 մլն դոլար ներդրումով կառուցում է «ԱլԼուր» բնակելի համալիրը։ Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը։
Նա, մասնավորապես, գրել է.
«Դիլիջան քաղաքում՝ Շամախյան ½ հասցեում, մասնավոր հատվածի կողմից կառուցվում է «Ալլուր» բնակելի համալիրը։
Ներդրումների ծավալը հասնում է 16,5 մլն դոլարի։
Կառուցվում են 6 հարկանի բազմաբնակարան բնակելի շենքեր, որից մեկը՝ նախկին հացի գործարանի շենքն է։ Ներկա պահին այն վերակառուցվում է որպես բազմաբնակարան համալիր՝ անհրաժեշտ ենթակառուցվածքներով»։
